Dominkovits Péter: Adalékok és források a soproni evangélikus városvezető és szellemi elit 17 - 18. századi társadalomtörténeti kutatásához, végrendeletek (Sopron, 2018)
Források
Zum Funfiten. Schaff ich meinem Lieben Vettern Andreen Pfenndtner Pfarrer im Spittal alhie, meinen langen priesterlichen türchern Rockh, meiner im besten darbey zu gedenckhen. Zum Sechsten. Belanngendt mein schlechte Liberey, wollt ich gern, das dieselb nicht zersträhet wurde, sonndern beysamen blieb, schaff derowegen dieselb meiner lieben Hausfrawen Anna, doch das sy meinem Bruedern, Thoman auß Freundt- schafft ettliche Büechl geb vnnd zuethaill. Zum Siebenden. Schaff ich auch meiner lieben Haußfrawen Anna, die Wein so noch in dem Kheller verhannden, auch frey vnnd ledig, doch das sy dem Herren Wollfganng Nawfletzer zu Regenspurg zu Ergötzlichkhait seiner vnß villfelttigen vnß bewißnen Diennst, ain guetter Väsl Wein in meinem Nahmen schickh vnnd verehere. Geschließlich was vber obbeschribene Legata in Vahrender Haab, nindert noch nichts daruon ausgenohmen, befunden wierdt, das alles soll auf zwen gleiche Thaill ge- theilt, daruon soll der ain Thaill meiner Lieben Hausfrawen Anna bleiben, der ander halb Thaill aber, meinem Bruedern Thoman, vnd seinen armen Khindlein zuegstellt vnnd geben werden. Will also diß mein Testament vnnd Lessten willen hiemit beschlossen haben, vnnd weillen all mein geringe Verlaßung, den Edlen, Ehrnuesten, Fuersichtigen, Ersamen vnd Weisen Herren, N. Burgermaister, Richter vnnd Raht alhie, alß obris- ten Executoren vnnd Magistrat Jurisdiction vndterworffen, bitt ich dieselben höchstes Vleiß vnnd vmb Gottes Willen, diß mein Testament handtzuhaben, vnnd darob zu sein, das solches in allen Articln, ohne meniglichs Jrrung gänzlichen wolzogen werde, welches der Allmechtig Gott vmb alle vnnd jede in Sonderheit, sonnders Zweuffel reichlichen belohnen wierdt. Deß zu warer Vrkhundt hab ich vor vnnd wollermeldte meine Liebe Herren Testamentarios abermaln vleissig gebetten, das sie diß mein Testament vnnd Lessten willen, mit jeren aigenen Pedtschaden, doch dennselben ohne allen Schaden verferttiget haben, vnnd solches auch an gebuerli- chem Ortt vnd Endt fuerbringen, vnnd darumben was Recht ist sagen sollen. Zu ai- ner Ergötzligkheit aber schaff ich ainem jeden Herren Testamentario ainen Tucatén in Goltt. Beschehen zu Oedenburg den 28 Januarii A[nn]o [15]82ist[en]. Az irat külzetén: Deß Ehrwierdigen vnnd Wollgelehrtten Herren Jacoben Rüt- schändls gewesten Predigers des Euangelii Christi bey Sanncdt Georgen alhie zu Oedenburg, hierin verschlossner endtlicher Will vnnd Mainung. Eröfnet den 14 Martii A[nn]o im [15]82ten. Irattani sajátosság: Pecsétekkel ellátott eredeti. Jelzet: MNL GyMSM SL, SYLT, Oe. Lad. R. Fase. I. Nr. 26. 39
