Dominkovits Péter: Második telekkönyv 1554-1580 (Sopron, 2015)
A telekkönyv
jerem völligem benüeg[en] betzallt worden, vnd ist hierauff vorbemellter verckhauffer sambt seinen nahckhomen, der khauffer vnd anfangs ernenter chonleüth, auh jerer beedjer] erben, reht, trew, gwörr, schermb vnd vorstandt geg[en] chrissten vnd juden nah statt brauh. Actum auff dem rathauß den .1. Aprilis A[nn]o [etc], jm [15]66isten. etc. Sub d[omi] nis magistratibus, Nicoläo Nemess consule, [et] Jacobo Müetlero judice. Etc. 229. (II,-166.) Dorothea Georg Weberin, hat fur sich vnd jere erbenn nutz vnnd gwörr aines sechtzehenthaill Weingarten jm Leberperg, zwischen Sebastian Windisch, vnnd Josephen Schnitzer Weingarten daselbst gelegen, emphanngen, weliches sechtzehenthaill Weingarten, an gedachte fraw Dorothea Weberin vnnd jere erben von Colimán Kholben, vnnd Helena seiner hausfrawen, mit aufrichtigem khauff khomen, deren khaufsum[m]a obernennte verckhauffer gänntzlichen vergnuegt vnnd bezallt worden, vnnd sein demnach solches khauffs, ernennte verckhauffer sambt jeren erben, der anfangs benannten Weberin, recht, trew, gwörr, schermb vnnd vorstanndt, gegen christen vnnd juden, nach statprauch. Actum auf dem ratthauß, den ersten Aprilis. Anno etc. jm [15]66isten. 230. (II.-166.) Michll Khrämapffll, Veronica sein eeliche hausfraw, haben für sich vnnd jerer peeder erben, nutz vnnd gwörr, anderthalb sechtzehenthaill Weingarten jm Jerrnfridt, zwischen Larentzen Paurn, vnnd herrn von Khunigsperg Weingarten daselbst geleg[en] empfangen, welcher Weingarten an gedachten Khrämapffl, vnd Veronica sein eeliche hausfraw, von Georgen Schlössinger, vnnd Christophen Ooffner [?], an statt der vngeuogten Thoman Pawern erben, mit rechtmässigen khauff khomen, deren khaufsum[m]a obernennte verckhauffer gänntzlichen vergnuegt, vnd bezallt worden, sein demnach solches khauffs, ernennte verckhauffer, der anfangs benanten chonnleüth, recht, trew, gwörr, schermb vnd vorstandt, gegen christen vnd juden etc. Die et Anno quo supra. 231. (II.-167.) Dionisy Neupacher, Veronica sein eeliche hausfraw, haben für sich vnnd jerer peeder erben, nutz vnnd gwörr, funff jeuchen ackher jm Stüblern, neben Christina, weillenndt Colimán Bischoffen verlassnen wittfrawen ackher daselbst gelegen, empfanngen, welche funff jeuch ackher, an gedachten Newpacher, vnnd Veronica sein eeliche hausfraw, von obberuerter Christina Bischoffin mit rechtmässigen khauff khomen, deren khaufsumma gemellte verckhaufferin, gänntzlichen vergnüegt vnnd bezallt worden. Ist demnach solches khauffs, ernennte verckhaufferin, der anfanngs benannten chonnleüth, recht, trew, 89
