Dominkovits Péter: Második telekkönyv 1554-1580 (Sopron, 2015)
A telekkönyv
197. (II.-149.) Herr Dauid Wildendorffer, Khatarina sein eelihe hausfraw haben für sich vnd jerer paid[er] erbe,33 nutz vnd gwörr empfang[en], aines sehtzehentaill weingart [e]n in Obere Stainern, neben Allerglawbig[en] Seelen Zeh Weingarten geleg[en], so sy von Daunb Michll vnd Barbara Paulln Neopahers hausfrawen alß geschwistrigeth[en], durch ainen redlich[en] tausch vnd auffgab überckhomen, dardurch dann jetztgemelte verckhauffer zu völlig[en] benüeg[en] gäntzlich[en] entricht v[n]d zu frid[en] gestellt word[e]n, vnd sein numalß gedahte verckhauffer Michl Daunb v[n]d Barbara sein Schwester anfangs benanter chonspersonen v[n]d eewirdtleuth, aller derselben erben, reht trew gwörr schermb vnd vorstandt geg[en] christen v[n]d jud[en] nah stattbrauh. Actum auf dem rathauß den .20. Marty, A[nn]o [etc], [15]62ist[en], 198. (II.-149.) Michael Daumb für sich selbst, vnd Pauli Neopaher jn namen Barbara seiner eelih[en] hausf[rau] auh derselben erben, haben nutz vnd gwörr enpfang[en], aines achtll Weingarten jn Khromperg neben Andreen Khrumpeckh[en] Weingarten geleg[en], welches von obgedahten h[er]rn Wilndorffer durch ainen tausch aines weingart[en] jm Stainer vnd ain[er] benanten auffgab redlich an sy khomen. Jst demnach gemelter h[er]r Dauidt vorbestimbtes Michl Daumbs vnd seiner Schwestern Barbara Neopaherin vnd d[er]selben erben, reht, trew, gwörr, schermb vnd vorstandt, gegen menigelich[en] nah stattbrauh. Actum die, loco, [et] Anno vt proxime supra, [etc]. Sub d[omi]nis m[a] g[ist]ratibus, Vrbano Phlegero m[a]g[ist]ro ciuium, [et] Sixto Zehentnero iudice ciuitatis. [etc], 199. (II.-150.) Augustin Weinperger hatt für sich vnnd seine erbenn, nutz vnnd gwörr empfanng[en] ainer behausung in der Schrippergassen, zwisch[en] Christoph [en] Kholmhoffer vnd Michl am ortt heuser geleg[en], welches er von ainem ersamen rathe, jn namen Steffan Woschen erben, alß derselben obristen gerhaben vmb ain benante summa gellts kheufflich[en] überckhomen, deren khaufsumma sy entricht vnd betzallt worden, vnd ist wollgedahter ain ersamer rath, alß der Woschen erben gerhaben, anfangs gemellts Weinpergers vnd seiner erben, reht trew gwörr schermb vnnd vorstandt, geg[en] christen vnnd juden nach stattbrauch. Actum auff dem rathauß den .6. Aprilis, Anno jm [15]62isten. [etc] nah statbrauh. Actum auf den rathauß den .12. Marty. A[nn]o [etc]. [15]62ist[en], 33 Javított szó. / Korrigiertes Wort. 80
