Dominkovits Péter: Második telekkönyv 1554-1580 (Sopron, 2015)
A telekkönyv
126. (II,-111.) Steffan Tröpl hat fur sich vnnd seine erben nutz vnnd gwer emphangen vmb ain sechtzehentail Weingarten jm Frettner zwischen herrn Blasien Salzer vnnd Stefan Schueler beder Weingarten gelegen so er von Barbara Mert Pilß burg[er] zuor Neostat vmb ain summa gelt für frej ledig erkhaufft vnd betzalt hat, solches kauffs ist benente Barbara Mert Pilßen hausfraw oben gedahts Stefan Tröpls vnnd seinen erben rechter, trewer scherm gwer vnnd furstandt für alle rehtlihe krieg vnd ansprach gegen cristen vnd juden nah statprauh. Gemeltje] verkhaufferin hat auh antzaigten Weingarten auf dem rathauß für frey ledig auf vnd vbergeben ongeferde. Actum den .22. Aprillfis] A[nn]o etc [15]58. Sub d[omi]nis magistratibus Chr[ist]ophoro Humel m[a]g[ist]ro ciuiu[m] et Gasparo Weyss judice etc. 127. (II.-112.) Caspar Fraxinus doctor hat fur sich vnnd seine erben nutz vnnd gwer emphangen vmb ainen mairhoff jn der Fischer gassen zwischen Hannß Windisch vnnd Georg Dragsler hewser vnnd mairhoff gelegen so er von herrn Cristoff Khleblsperger vmb ain summa gelt für frey ledig erkhaufft vnnd bezalt hat solhes khaufs ist gedahter her Kleblsperger gegen jme doctor Caspar rechter trewer schermb gwer vnnd furstanndt für alle rehtlihe krieg vnnd ansprach gegen cristen vnnd juden nah statprauch. Gemelter verkhauffer hat auh anzaigt solhen mairhoff für frey ledig vnnd also auf dem rathauß vbergeben ongeferde. Actum auf dem rathauß den .29. Aprilis Anno etc. jm achtwnd funfftzigisten. Sub d[omi]nis magistratibus Emerico Rainer m[a]g[ist]ro ciuium et Vrbano Pfleger judice. 128. (II,-112.) Michael Graff, Catharina sein ehelihe hawsfraw haben nutz vnnd gwer emphangen für sich vnnd jr erben vmb ain wisen vnnder halb des Furt zwischen herrn pharherrn vnnd Matheus Wagner wisen gelegen so sy von herrn Benedicten Roll vnnd Magdalena seiner ehelihen haußfraw[e]n vmb ain summa gellt für frey ledig erkhaufft vnnd bezalt hat. Solhes kaufs sein gedahte ehelewt h[err] Benedict Roll, Magdalena sein hausfraw gegen jme Mihael Graf, Cätherina sein hausfraw vnd d [er] selben eerben rechter trewer schermb gwer vnnd furstandt für all rehtlihe krieg vnnd anspruch gegen cristen vnnd juden nah statbrauh. Gemelte verkhauffer haben auch anzaigt solhe wisen für frey ledig vnd also auf dem rathauß vbergeben ongeferde. Act[um] auf dem rathauß den .20. May anno [etc] Acht vndfunfftzigisten. 129. (II,-113.) Jacob Muetler lederer, Anna sein ehelihe hausfraw haben für sich vnnd jre erben nutz vnnd gwer emphangen vmb ain achtl Weingarten jm vnnd [er] n Collnperg zwischen Clauß Gangkhlhofer vnnd 60
