Dominkovits Péter: Második telekkönyv 1554-1580 (Sopron, 2015)
A telekkönyv
99. (II.-99-100.) Hannß Kater, Margaretha sein ehelihe hawsffraw haben für sich vnnd jre erben nutz vnnd gweer aines hawß jn Sännet Michaels gassen zwischen Stefan Scherll hawß vnnd Hannß Tritl gelegen emphangen welches an sy mit khauff vmb ain summa gelts von Thoman Pawrn weilendt Hannsen Schellers erben gerhab khumen ist deren khaufsumma sy endtriht vnd benuegt sy sein auch rehte trew geweher schermb vnnd vorstanndt gegen cristen vnnd juden nach statbrauh. Actum auf dem rathawß dem 19. Marty. A[nn]o [etc] [15]57. 100. (II.-100.) Michael Pleninger, Margaretha sein ehelihe haußfraw haben nutz vnnd gweher für sich vnnd jre erben vmb ain hawß am Alten Holzmarkht gelegen zwischen dem dreissig hof vnnd Thomam Sattlerin heuser gelegen so von herrn Benedict Hasendorfer, Peter Frisch palbierer erben gerhab kheuflich vmb ain summa gelt an sy khumen emphang[en] deren khauf summa sy enndtricht vnnd betzallt word[en] vnnd ist gedahter her Benedict Hasendorfer alß gerhab Peter Frisch erben anfangs gemelter conlewt vnnd jr beed[er] erben recht trew, geweher schermb vnnd vorstanndt gegen cristen vnnd juden nach statbrauch. Actum auf dem rathawß den xxiiij Marty. A[nn]o [etc] im [15]57. 101. (II.-100.) Thoman Puchelmair schmit, Magdalena sein ehelihe hausfraw haben für sich vnnd jrer beeder erben nutz vnnd gewer wegen seines hawß in der Fleischhagger gassen vnnder dem dossier gelegen emphanngem welches an jnen von gemeiner stat alhie vmb ain summa gellts khauflihen khumen der khauf summa gemeine stat endtriht vnnd betzallt word[en] vnnd ist nunmalß gemeine stat anfanngß gemelter chonnlewt vnnd jrer beeder erben, recht trew geweher schermb vnnd vorstanndt gegen cristen vnnd juden nach statprauch. Actum auf dem rathauß den 2. Aprilis A[nn]o [etc] [15]57. 102. (II.-101-102.) Hannß Hinderperger schuemacher, Elisabeth sein ehelihe hausfraw haben für sich vnnd jre erben nutz vnnd geweher wegen seines hauß in der Fischer gassen zwischen Georg Dorner vnnd N. Pachmar hewser gelegen emphangen, welches an sy von Cristofen Vaßzieherin verlassenen wittib vmb ain summa gelt kheuflichen khumen, der khauf summa sy außgeriht vnnd zallt worden ist, vnnd ist nunmalß gedahtes Cristofen Vaßziecher selig[en] verlassene wittib vorgemelter canlewt vnnd jrer beed[er] erben, reht trew gweher schermb vnnd vorstandt gegen cristen vnnd juden nah statprauh. Act [um] auf dem rathauß den 5. tag Aprilis Anno [etc] [15]57. 103. (II.-101.) Sigmundt Hofwiert päder, Margaretha sein eehlihe hawsfraw haben für sich vnnd jre erben nutz vnnd gweher aines 53
