Dominkovits Péter: Második telekkönyv 1554-1580 (Sopron, 2015)
A telekkönyv
91. (II.-96.) Michel Khramapffl, Veronica sein eeliche hausffrau] haben fur sich vnnd jr beeder erben nutz vnnd gwör aines sechzehentail weingart[en] im Potzman zwischen Benedict Stänngl vnnd Barbara Marx Prantnerin weingartten daselbs gelegen emphanngen weliches an sy von vorbenanter Marx Prantnerin mit khauff vmb ain summa gelts khomen, deren khaufsumma ermelte Prantnerin bezallt vnnd vergnuegt worden vnnd ist vorbenanter-Pranterin [!] anfanngsgemelter chonleüt vnnd jr beeder erben recht trew gwör schermb vnnd vorstanndt gegen chrissten vnnd juden nach statbrauch. Act[um] auf dem rathauß den 21. Septemb[ris] 1556. 92. (II.-97.) Hanns Härtl sailler, Dorothea sein eeliche hausf[rau] haben für sich vnnd jr beeder erben nutz vnnd gwör aines hauß am Alten Holtz Markht zwischen Larentz Tropl vnnd Anthal Laslo heüsern gelegen emphanngen, weliches an sy mit khauff vmb ain benante summa gelts von ainem ersamen rate an stat weilendt Lucatsch Khoch gelasnen khinnder khomen, deren khaufsumma ernents Khochs khinnder benuegt vnnd bezalt worden, vnd ist ain ersamer rate an stat merbemelter khinnder anfanngs gemelter chonleüt vnnd jr beeder erben recht trew gwör schermb vnnd vorstanndt gegen chrissten vnnd juden nach statbrauch. Actum den 12. tag decemb[ris]. 1556. 93. (II.-97.) Dionisi Khäschasch vnnd Margaretha sein ehelihe hawsfraw haben für sich vnnd jre erben nutz vnnd gewer emphangen vmb ainen Weingarten im Crönperg so ist fünf sechtzehen thaill zwischen Anndre Khrumpekh vnnd Benedicten Metgeschin [?] Weingarten gelegen, mit khauf vmb ain summa gellts kh khumen an sy vom herrn Dauit Wullendorfer deren khauf summa ermelter her Dauit Wullendorfer betzallt vnnd vergenuegt [!] worden, vnnd ist gedachter herrn Wullendorfer anfangs gemelter chonlewt vnnd jrer beeder erben recht trew, gwerr schermb vnnd vorstandt gegen christen vnnd juden nah statbrauch. Actum auf dem rathauß den 8. Juny January. A[nn]o [etc] [15] 57. 94. (II.-98.) Phillip Vrban, Sophia sein eheliche hausfraw vnnd Janisch Riell haben für sich vnnd jre erben nutz vnnd gewer emphangen vmb den obgemelten Weingarten im Khronnperg welchen sy von Dionisi Khaschasch erkaufft vmb ain summa gellts deren khauf summa ermelter Dionisy Khaschasch betzallt vnnd vergnuegt ist worden, vnnd ist gedachter Dionisy Khaschasch anfangs gemelter chonleüt vnnd d[er] selben erben, recht trew gweher [!] schermb vnnd vorstanndt gegen 51
