Dominkovits Péter: Második telekkönyv 1554-1580 (Sopron, 2015)
A telekkönyv
84. (II.-93.) Sigmundt Canntor, Margaretha sein eeliche hausf[rau] haben nutz vnnd gwör ainer wisen bey Eglprun neben Georgen Eyseler wisen daselbs gelegen emphanngen, weliche an sy von ainem ersamen rate als ermelts Sampls erben tutorn mit khauff vnnd vmb ain benante summa gelts khomen, deren khaufsumma ermelts Sampls erben benuegt vnnd bezalt worden, vnnd ist19 solches khauffs20 merbenanter ain ersamer rate an stat me [r] benannter Sampls erben recht trew gwör schermb vnnd vorstanndt gegen chrissten vnnd juden nach statbrauch. Actum den sibendten Augusti. Anno [etc] in sechsvnndfunfzigisst[en]. Sub dominis magistratibus Cristophoro Humbl m[a]g[ist]ro ciuium et Gasparo Weyss judice, [etc.] 85. (II.-93.) Hanns Härtl sailler, Dorothea sein eeliche hausfraw haben nutz vnnd gwör aines achtl weingartten im Kholmperg zwischen Matheß Poltz vnnd Clement Khlain erben weingartten daselbs gelegen emphanngen, weliches an sy vom Lenntz Schmidt mit khauff vnd vmb ain benannte summagelts khomen, deren khaufsumma ermelter Lenntz bezallt vnnd vergnüegt worden, vnnd ist solches khauffs merbenannter Lenntz Schmidt anfanngs gemelter eewirtleüt vnnd jr beeder erben recht trew gwör schermb vnnd vorstanndt gegen chrissten vnnd juden nach statbrauch. Actum auf dem rathauß den achten tag septemb[ris]. Anno etc. im sechsvnndfunfzigisst[en]. 86. (II.-94.) Herr Emrich Rainer, Anna sein eeliche hausfraw haben für sich vnnd jr beeder erben nutz vnnd gwör aines vierttl weingartt[en] im Hausperg, zwischen Michel Paur vnnd Veitten von Harkha gelegen emphanngen, weliches an sy vom Caspar Linndner mit khauff vnnd vmb ain benannte summa gelts khomen deren khaufsumma jetzbemelter Linndtner benuegt vnnd bezalt worden, vnnd ist solches auf richtigen khauffs merbestimbter Linndtner anfanngsbenanter chonleüt recht trew gwör schermb vnnd vorstanndt gegen chrissten vnnd juden nach statbrauch. Actum auf dem rathauß den aindlefft[en] tag Augusti. Anno [etc] 1556. den sibenzehenden tag July. Anno [etc] im sechsvnndfunfzigisst[en]. Sub dominis magistratib[us] Cristophoro Humbl m[a]g[ist]ro ciuium, Casparo Weyss judice, [etc.] 19 A következő szövegrész sor fölötti betoldás. / Der folgende Textabsatz ist eine Einfügung über der Zeile. 20 A betoldás vége. / Ende der Einfügung. 49
