Dominkovits Péter: Második telekkönyv 1554-1580 (Sopron, 2015)
A telekkönyv
66. (II.-83.) Gregor Khewer, Vrsula sein eeliche hausfraw haben nutz vnnd gwör aines achtl weingartten im Jrrnfridt zwischen sein Khewer zuuorgehabten Weingarten vnnd Petern Walich maurer anrainendten durch Thoman Ochslin jme versetzten weingartten daselbs gelegen emphanngen, weliches achtl an sy mit khauff vmb ain benante summa gelts von junckhfrauen Barbara, Appolonia vnnd Catherina, geschwistrigethen des Ochssls gelasnen töchtern khomen deren khaufsumma jetzbenante drey junckhfrauen benuegt vnnd bezalt worden, vnnd sinndt solches khauffs merbenante geschwistrigeth[en] anfanngs benannter chonleütt recht trew gwör schermb vnnd vorstandt gegen chrissten vnnd juden, nach statbrauch. Act[um] auf dem rathauß den achzehenden tag Marty. Anno [etc] im sechsvnndfunfzigisst[en], 67. (II.-84.) Leopoldt Stainer der vngeuogt hat für sich selbs vnnd seine erben nutz vnnd gwör aines mairhoffs am Alten Holtzmarkh gelegen, emphanngen welicher an jne vom Paulln Stainer seinem brueder vnnd herrn Sixt[e]n Zehenndtner als der vngeuogten dreyr geschwistrigethen Hannslein Catherina vnnd Susanna vnndtergesetzten gerhaben mit khauff vmb ain benante summa gelts khomen deren khaufsumma ermelter Pauli Stainer vnnd Sixt Zehenntner an statt seiner phlegkhinnder17 benüegt vnnd bezalt worden vnnd ist18 solches khauffs recht trew gwör schermb vnnd vorstanndt gegen chrissten vnnd juden nach statbrauch. Act[um] auf dem rathauß den 23. tag Marty. A[nn] o [etc] im [15]56.t[en] Sub dominis magistratibus Cristophoro Humbl magistro ciuium Cristophoro Kleblsperger judice, [etc], 68. (II.-85.) Dionisy Kassasch hat für sich vnnd seine erbern nutz vnnd gwör aines hauß an der Lanngen Zeyll zwischen Veitten Strauß vnnd der alten Deimlin heüsern gelegen emphanngen, weliches an jne vom Thomasch Jänntscho mit khauff vnnd ain benannte summa gelts khomen deren khaufsumma ermelter Thomasch Jantscho benuegt vnnd bezallt worden vnnd ist solches khauffs vilgenannter Thomasch Jantscho anfanngs benannts Dionisi vnnd seiner erben recht trew gwör schermb vnnd vorstanndt gegen chrissten vnnd juden nach statbrauch. Actum auf dem rathauß den 27. tag Marty. A[nn]o [etc] im sechsvnndfunfzigisst[en]. Sub dominis magistratibus Cristophoro Humbl magistro ciuium et Cristophoro Kleblsperger judice, [etc], 17 A következő szövegrész lapszéli betoldás. / Der folgende Textabsatz ist eine Einfügung am Blattrand. 18 Betoldás vége. / Ende der Einfügung. 44
