Dominkovits Péter: Második telekkönyv 1554-1580 (Sopron, 2015)
A telekkönyv
52. (II.-76.) Augustin Steyrer, Magdalena sein eeliche hausfraw haben fur sich vnnd jr beeder erben nutz vnnd gwör aines hauß in Sanndt Jorgen gassen zwischen Niclaß Schuesster vnnd Michel Polan heüsern gelegen, emphangen weliches an sy vom Jorgen Fleischakher mit khauff vmb ain benannte summa gelts khomen deren khaufsumma jetzgenannter Jorg Fleischakher bezalt vnnd vergnüegt worden vnnd ist offtbenanter Jorg Fleischakher anfanngs gemelter chonleüt recht trew gwör schermb vnnd vorstannd gegen chrissten vnnd juden nach statbrauch. Actum auf dem rathauß den sechsvnndzwainzigissten tag May. Anno [etc] im funfvnndfunfzigisst[en]. Sub d[omi]nis magistratibus Cristophoro Humbl magistro ciuium et Cristophoro Kleblsperger judice. 53. (II.-77.)Valthauser Farr, Barbara sein eeliche hausfraw, haben nuz vnnd gwör aines hauß auf der Sanndtgrueb zwischen Anthonj Zingiesser vnnd Peter Lisst heüsern gelegen emphanngen weliches an sy vom Larentz Hoffman mit khauff vmb ain benante summa gelts khomen, deren khaufsumma jetzgenannter Larentz Hoffman betzalt vnnd vergnüegt worden, vnnd ist offtbenannter Larentz Hoffman anfanngs gemelter chonleütt vnnd jr beeder erben recht trew gwör schermb vnnd vorstanndt gegen chrissten vnnd juden nach statbrauch. Actum auf dem rathauß den fünften tag Juny. Anno [etc] im funfvnndfunfzigisten. Sub dominis magistratibus Cristophoro Humbl magistro ciuium et Cristophoro Kleblsperger judice, [etc]. 54. (II.-77.) Leonhardt Khopmperger, Vrsula sein eeliche hausfraw haben nutz vnnd gwör aines viertl weingartten im Frettner zwischen halb Paur Crenzen14 vnnd Hannß Nesslinger weingartten daselbst gelegen emphanngen, weliches an sy vom Gilig Lanngen mit khauff vnnd wechssl, khomen deren khaufsumma vnnd wechssls jetzgenannter Gilig Lanng betzalt vnnd vergnüegt worden, vnnd ist offtbenannter Gilig Lanng anfanngs gemelter chonleütt vnnd jr beeder erben recht trew gwör schermb vnnd vorstanndt gegen chrisstfen] vnnd juden nach statbrauch. Actum auf dem rathauß den funfft[e]n tag Juny. Anno [etc] im funfvnndfunfzigisst[e]n. Sub dominis magistratibus Cristophoro Humbl magistro ciuium et Cristophoro Kleblsperger judice, [etc]. 55. (II.-78.) Leonhardt Khopmperger, Vrsula sein eeliche hausfraw haben nutz vnnd gwör aines mairhoffs in der Clain Potschagassen zwischen Anndre Prannger vnnd Hannß Mokh heüsern gelegen emphanngen, welicher mairhoff an sy vom Emrichen Rainer ratsburger zw Odenburg mit khauff vmb ain benante summa gelts khomen, deren khaufsumma 14 Átírással javított szó. / Durch Überschreiben korrigiertes Wort. 40
