Dominkovits Péter: Második telekkönyv 1554-1580 (Sopron, 2015)
A telekkönyv
weliches an sy von Hanssen Perschen mit khauff vmb ain benante summa gelts khomen deren kaufsumma jetzgemelter Hannß Persch betzalt vnnd benuegt worden, vnnd ist solches khauffs vilgenannter Hanns Persch, der annfangs benanten eewirtleüt, recht trew gwör schermb furstanndt gegen chrissten vnnd juden nach statbrauch. Actum den achten tag Juny. Anno etc. im [15]54t[en], 20. (II.-60.) Zacharias Reyß, Anna sein eeliche hausfraw haben fur sich vnnd ir beeder erben nutz vnnd gwör aines hauß auf der Müedstat , zwischen Giligien Schuesster vnnd des pharers benefitium gelegen emphangen, weliches an sy von Hannsen Kholb vmb ain benante summa gelts mit khauf khomen, deren khaufsuma jetzgemelter Hannß Kholb gänntzlich benuegt vnnd betzalt worden, vnnd ist solches khauffs vilgenanter Hanns Kholb der anfanngs benanten eewirtleüt recht trew gwör schermb vnnd furstanndt gegen chrissten vnnd juden nach statbrauch. Actum auf dem rathauß denn aindlefften tag Juny. Anno etc im viervnndfunfzigist[e]n. Sub dominis magistratibus Cristophoro Humbl m[a]g[ist]ro ciuium et Cristophoro Kleblsperger judice etc. 21. (II.-61.) Herr Cristoff Khleblsperger, Veronica sein eeliche hausfraw haben für sich vnnd ir beeder erben nutz vnnd gwör aines hauß in der Fischergassen zwischen Gregorn Windisch, vnnd Matheßn Schützner heüsern gelegen emphanngen, weliches an sy vom Gregorn Khewer mit khauff vmb ain benannte summa gelts khomen, deren khaufsumma jetzgemelter Gregor Khewer gänntzlich benuegt vnnd betzalt worden, vnnd ist solches khaufs vilgenanter Gregor Khewer, der anfanngs benannten eewirtleüt, recht trew gwör schermb vnnd furstannd gegen chrissten vnnd juden nach statbrauch. Actum den funfvnndzwainzigisten tag Juny. Anno etc im [15]54t[en]. 22. (II.-61.) Gregor Khewer, Vrsula sein eeliche hausfraw, haben für sich vnnd jr beeder erben aines khesstenpaungartten am ortt im Leberperg vnnd neben Cristoffen Garttner paumbgartt[en] daselbs gelegen nutz vnnd gwör emphangen, welicher an sy von Niclasen Nemesch als weilendt herrn Mert Pessers verlassnen tochter Magdalena furgesetzten gerhaben mit khauff vnnd ain benante summa gelts khomen, deren khaufsumma jetz gemelter Niclaß Nemesch betzalt vnnd benuegt worden, vnnd ist vilgenannter Nemesch der anfangs benanten eewirtleüt vnnd jrer beeder erben recht trew gwör schermb vnnd furstannd gegen chrissten vnnd juden nach statbrauch. Actum auf dem rathauß den zehenden tag July. Anno etc im [15]54t[en], 30
