Dominkovits Péter: Második telekkönyv 1554-1580 (Sopron, 2015)
A telekkönyv
benüegen rechtmeßiglich, entricht vnd bezallt worden sein. Übergeben demnach angeregte Weingarten, mit derselben gerechtigkhaitt, wie sie von allter herkhomen vnd vnsere vorellter in ruehiger poßeß jngenabt haben, auch wie sie mit jer jedes gemörkhen vmbfangen, aus vnser vnd vnserer erben gewaldt vnd in jer wollermelldter Vischerin vnd ierer erben gewaltsamb nutz vnnd gewöhr, also das sy nun füran, mit solchen obbestimbten jeren erkhaufften weingartten, handlen thuen vnnd lassen sollen vnd mügén, es sey mit verkhauffen, verschaffen vermachen oder in ander wege zuuerkhennen weme vnd wie sy deß gelüst, vnd solches jer böste gelegenhait sein wierdet ohne vnser erben vnd sonst menigliches von vnsertwegen jerrung hindernuß vnnd wider sprechen, wier vnd vnsere erben sollen vnnd wollen auch offternenter fraw Vischerin jerer erben vnd nachkhomen, diser obgeschribener weingartjen] wegen, rechter gwör schermb vnd fuerstandt zusein, fuer alle ansprach gegen meniglich, wann jnen aber an solcher gewörschafft nihtes abgieng, deßen sie schaden nehmen denselben schaden, sollen vnd wollen wier jnen wider zubezallen vnd verbunden sein, bey Verkündung des gemainen lanndtschaden bundts in Oesterreich vnndt[er] der Ens, alß wann deselb von wordt zu wordt hierinen geschriben stunde, treulich vnd vngeuerlich, des zu waren vrkhunt, hab ich obgenanter Hanß Zehentner zu enndt der schrifft mein angeborn pedtschafft vnnd hanndtschrifft hierundter gestellt, vnnd wier Anna vnd Catharina Zehentnerin, haben mit sonderm hohen vleiß erbeten die edlen gestreng[en] herren Walthasar Melchiorn von Khestan, verwallter der haubtmanschafft Neustadt vnd Michaeli Reichspergern röm[isch] khay[serischen] May[estäten] haubtman, vber derselben gehalltnen Füerstlichen Sachsisch[en] Gnad[en], das sie bede herren jere aigene angeborne pedtschafft an vnser stadt, neben vnserem herren bruedern auffgedukht haben, doch jnen jeren pedtschafften allerdings ohne schadfen] beschehen zue Neustadt den 6 tag Nouembfris] nach d[er] gebuertt vnsers Herren vnnd Seilligmachers Ain Tausent funffhundert vnnd achtzigistem jar. Hanß Zehentner von Zehentgrueb. Colljationisiert] ist dem originali gleich. Georgius Nusbaum schtadtschreyber manu propria. 395. (II.-221.) Der edl, vest, fuersichtig ersam vnd weise herr Hanß Naghy burger des .jnnern rahts alhie zw Oedenburg vnd Magdalena sein eheliche hausfraw, haben nutz vnnd gwör empfangen, wegen eines mairhofs sambt dem mülschlag, gartten vnd anderen derselben zuegehörungen, vor dem Neustifft thor gelegfen] jnmassen der wollgeborne vnd gestrenge herr, Johann Pethew denselben, alß ein 129
