Dominkovits Péter: Második telekkönyv 1554-1580 (Sopron, 2015)
A telekkönyv
289. (IL-190.) Andre Weittendorffer vnnd Genouefa sein hausfraw haben nutz vnnd gewöhr emphangen wegen eines hauß neben Hanß Hagen hauß gelegen welches an bede conleutt khauffweyse von Philip Pleyer vmb ein suma gelldt, daran in woll benüegt khomen, ist derhalben Philip Pleyer erstermellder conleutth diser behausung wegen rechter nutz vnnd schermb gegen meniglich. Actum den XX. tag Septembr[is] Anno M. D. LXX. Sub magistratibus Christophoro Klöbelspergero consule et Carolo Rosenkhrantz judice etc. 290. (II.-190.) Der wollgeborn herr herr Johan Pethew freyherr zw Gerset, rom[isch] khay[serisch] m[aies[t]äten] raht, lanndtcamerer in Hungern, span vnnd haubtman der spanschafft vnnd stadt Oedenburg, hat nutz vnnd gewehr emphangen, wegen eines dienstparen oder steurenden mairhofs, zu negst vor dem Neustifft thor gelegen, welcher an wollermellden herren Petheu, durch redlichen khauff von Sebastian Gündtlin khomen, der wegen jme dann dise gewehr, von Andreen Eyseler, alls Hansen Schweintzers seylligen nachgelassnen erben, mit nahmen Martin, Dorothea vnnd Veronica, verordndtem gerhaben in nahmen jerer ändl Vrsula Gündtlin übergeben worden, mit ermelldem steurenden mayrhoff, als mit seinem aigenen guett zuhandlen. Actum in curia senatoria Soproniensi, vigesima quarta die mensis May, Anno milesimo quingentesimo septuagesimo, sub m [a] g [ist] ratibus Christophoro Klöbelspergo consule et Carolo Rosenkhrantz judice etc. 291. (II.-191.) Khalmar Janusch hat nutz vnnd gewehr emphangen wegen eines hauß in Sant Georgen gassen zwischen Vrban Phleger vnnd Leonhartten Tölltls behausung daselbst gelegen welche von Christoffen Griennwalldt vnnd Catharina seiner hausfraw khauffweyse an jne khomen vnnd bezallt worden, sein derhalben jetzbemellde conleuth sein Kholmar Januschen derselben behausung rechter nutz vnnd scherm gegen meniglich. Actum den VIII. tag Decembris Anno M. D. LXX. Sub magistratibus Christophoro Klöbelspergero consule et Carolo Rosenkhrantz judice etc. M. D. LXXI.44 292. (II.-191.) Hannß Nisslpaur vnnd Anna sein eheliche hausfraw haben nutz vnnd gewehr empfangen, wegen eines halben hauß welches sie an der Langen Zeill zwischen Khilian Blaswetter vnnd Hansen Schuesters behausung daselbst gelegen, welches sie von Steffan Tröppl, 44 Az új év feltüntetése lapszéli jegyzet. / Das neue Jahr wurde als Vermerk am Blattrand angeführt. 103
