Dominkovits Péter: Egy gazdag városvezető, Lackner Kristóf polgármester javai (Végrendeletek, hagyatéki- és vagyonleltárak, osztályok 1591-1632) (Sopron, 2007)
A források/Die Quellen
Zum andern ainem weingartten bey ainem viertheil in Ärztgrübern gegen Sankt Wolffs ligent. Dritten. Ainen weingartten in Dieffen weg, neben herrn Hannsen Schuellers Weingarten daselbst ligent. Zum viertten. Vier joch äckher bey den Lebern, so von herrn Preidl erkaufft worden. Fünfften meinen klienem kosten waldt in Lebern. Vnd zum sechsten vier hundert gulden reinisch in barem gelt, yedoch dieses alles mit angehengter condition da sichs Gottes vnervorschliche willen nach behäbe, das mein vielgeliebte Jungfrau brauth, vnd khünfftige ehegemahel vor meiner ohne eheliche leibs erben mit todt abgienge, soll mir obspecificirtes ganzes heuraths vermächt, widerumben zuruckh hainfallen vnd ich ihren nägsten befreündten für dasselbe mehrers nicht alß zway hundert gulden reinisch hinauß zugeben schuldig sein. Waß aber wir beede conleuth in vnserer stehendt vnnd wehrenden ehe, mit einander erobern, erkhauffen vnd gewinen, baides in ligent vnd vahrendten güettern, daß alles solle vnser baider gleiches guett sein, allermassen gestambter handt recht vnd gewonheit außweist vnnd vermag. Eß solle auch jedem thail frey beuor stehen, mit dem jhenigen so wir vber obangeregtes heyraths vermächt, in ligenten oder vahrenten haab vnd guettern, mehrers haben, oder haben werden, aines das ander durch testament oder in ander weg mit mehrern zubedenckhen vnd zubethreuen, hierauf gelob ich anfangs ernanter Christoff Lackhner, für mich vnd alle meine erbe, dem irigen so hierinen verschoben, bey verpfendtung aller meiner haab vnd guetter, vnwider sprechlich Vollziehung zuthun. 194 Threulich ohne geuehrte, deß zu wahrem vrkhundt hab ich disem heyraths brief mit meiner aignen handtschrifft vnd angebornen petschafft becrefftiget, auch benebens dienst gehorsame vnd freundlich ersucht vnd gebetten, meine zu eingang ernandte herrn, vnd beystandt, daß sy von gezeugnus wegen ihre handschrifft vnd petschafft, neben mir, hierunter gesteh, doch ihnen ihren erben vnd petschafften ohne allen nachtheil vnd schaden. Actum in der khoriighchen freystatt Odenburg in Vngern den 17 Augusty Im 1631 Jahr. LS LS LS LS LS LS LS Heut dato den 10 January 1632 jahrs ist dieße abschrifft gegen dem rechten lautern original gehalten, collationirt, vnnd von wortt zue wortt gleich lautend befunden worden. Zu vhrkundt mein handschrifft vnnd pettschafft hierunter gestellt. Vitus Hackenperger Marckt Schreiber allda mppia. [Az irat hátoldalán / Auf dem äußeren Teil des Dokuments:] Frawn Marthae Lackhnerin wittiben heurhat brieffs abschrifft. Utána kihúzott szó. / Danach steht ein durchgestrichenes Wort.
