Dominkovits Péter: Egy gazdag városvezető, Lackner Kristóf polgármester javai (Végrendeletek, hagyatéki- és vagyonleltárak, osztályok 1591-1632) (Sopron, 2007)
A források/Die Quellen
Langen weingartten liggundt, dann den halben theil der fharunden haab, baide stuckh frey vnd ledig, dises alles schaff ich ir vmb der mir yederzeit in chonlicher vnser bey wohnung erzaigten lieb vnnd trew, dann auch vmb irer fleißigen vnnd emßigen gepflegten wirtschafft, vnnd der mir in meiner zimlich langgewehrten, Schwachheit, bewisenen fleis vnd gehorsamb, frey ledig zu ruckh widerumb haimb, vnd nachdem wir in ehelicher vnser beywohnung ein sechzentheil weingartten in Steigern neben dem vorgemelten sechzehentheil weingartten in Steigern liggund miteinander erkaufft, soll es damit nach allhirigem stattbrauch, wie gesambter hanndt guter, recht vnd gewohneit ist gehalten werden. Vber das vierdte theil an, angeregtem häuslein zwischen herrn Thoman Franckhen vnd der Schifferischen erben häuser liggund, so ich in zuuor frey ledig verheirat, vnd an yzo zum vberflus, frey ledig sambt and [er] n ver testirt, wie obuerstanden, schaff ich gemelter meiner lieben haußfrauw noch ein viertl daran, frey vnd ledig, also das in das halb häuslein frey ledig solle nachfolgen vnd verbleiben. Was mehrgedacher meiner lieben haußfrauwen Anna mir gethanes zubringen anbelangen thut, sol ir daßelbiges, baides in liggunden, vnnd fharunden güttern, trewlich ohne ainiche widerred zugestellt vnd beuor hinaus gegeben werden. Als erstlich ein weingartten ine Neubürg zwischen herrn Emerich Papay vnd Hannsen Feurer baider burger allhie weingartten. Item ein sechzehentheil weingartten im Dudlos neben Sabo Wallindt weingartten liggundt, sambt dem gartten bey dem Fischerthürlein, neben herrn Emerich Papay gartten liggundt. Infahrunder haab vnd barschafft hat sie mir zubracht, 50 ducaten in goldt mehr 100 gulden rheinisch, wölchs geldt der 100 gulden rheinisch 184 von irem vatter seeligen herkommen. In silber geschir drey magellel, vnd ain hoffbecher, mit ainem deckhel inn- vnd aus wendig verguldt. Das die vbrige von ir mir zugebrachte fharunde haab anbelangt, vnnd sie am beßten weis, wurdt mein liebe haußfrauw freundtlicher mainung darumben berichten, darbey es dann also wurdt verbleiben. Ferrer kan ich zuuermelden nicht vmbgehn, das ich meinem lieben son Cristoff Lackhner, zu vortsetzung seines studirns, in die vierhundert rheinisch gulden angewendet habe, daran gleichwoll yziger meiner haußfrauen der vierdte thail gebürt hette. Ist derowegen zuerstattung deßelbigen, mein endtlicher will vnd mainung, 185 das ir nach meinem tödtlichen ableiben hundert gulden rheinisch aus meinem gut beuor solle zugestellt vnd gegeben werden. Endlich sol mein liebe haußfrauw Anna, das haus Am Plaz, wölchs ich yez bewohne vnd mit rucken besiz, ohne ainiche raittung sambt den zugehörigen gründen, innen haben vnd genießen, biss so lanng mein lieber son Cristoff Lackhner solchs von ir thut abfordern. 184 Sor fölé írt, betoldott szó / Über die Zeile geschriebenes, eingeschobenes Wort. 185 Utána kihúzva / Danach ist durchgestrichen: das.
