Egy új együttműködés kezdete; Az 1622. évi soproni koronázó országgyűlés - Annales Archivi Soproniensis 1. (Sopron-Budapest, 2014)
A diéta és a koronázás színhelye: Sopron - Tóth Gergely: Az 1622. évi soproni címerbővítés. Előzmények, utóélet, szövegközlés és fordítás
Toth Gergely servandis, ac civitatibus et oppidis amplificandis et fovendis singularem curam habere, immunitatesque et antiquas eorum libertates, quas ipsi praeclaris meritis et virtutibus a divis quondam imperatoribus et regibus obtinuerunt, non solum confirmare et roborare, sed etiam novis privilegiis et literarum suarum monumentis augere et locupletare. Sic enim principum circa fideles suos subditos commendabilis providentia extollitur, et ipsorum animi ad intemeratae synceraeque fidei et fidelitatis observationem et ad praestanda servitia mirifico quodam ardore incenduntur et exhilarantur. Proinde moti primum optima occasione SOPRONIENSIS civitatis nostrae fidelis, decus et nomen augendi, atque exornandi, quum post illos intestinos et maxime nocivos motus, comitiis in praedicta civitate indictis variis belli internecini reliquiis velut ac fomitibus extinctis, compositisque differentiis, ac animis fidelium nostrorum praefati regni nostri Hungariae nobis cumprimis chari, conciliatis, non solum optata pax ad supremum fastigium perducta est, sed et mirabili DEI providentia ac nostra felicitate Sacra Regni CORONA, quae nuper durantibus motibus ad placitum aliorum in partes Hungariae superiores abrepta erat, ad conspectum nostrum et fidelium nostrorum complexum, velut ad legitimum regem cum triumpho rediit. Unde consensu fidelium nostromm STATUUM et ordinum solennitas coronationis Serenissimae Imperatricis Augustae ELEONORAE conthoralis nostrae felicibus auspiciis peracta, cuius quidem actus celebritate accedente merito ad seram posteritatem memoria eiusdem, utpote quae peculiari praerogativa ornamento praelibatae civitati contigit, commendari et celebrari debet. Deinde attentis et diligenter consideratis fidelitate et fidelium servitiorum nobisque complacendi studiorum meritis, fidelium nostrorum pru- dentum et circumspectorum magistri civium, iudicis et caeterorum iuratorum civium praefatae CIVITATIS nostrae SOPRONIENSIS, quae ipsi cum alias, tum potissimum sub hac generali diaeta pro dominica Quasimodo in hoc currenti anno, in praelibata civitate nostra Soproniensi indicta et celebrata, nobis et dictae Serenissimae conthorali nostrae prompto et animo hilari exhibuerunt et impenderunt, in omnibusque, quae ad gratiam nostram promerendam pertinere arbitrabantur, sese NOBIS gratos et acceptos ubertim declararunt. Unde Nos motu proprio, ac ex certa nostra scientia animoque deliberato, quo ad gratam quoque posteritatem, specimen singularis nostrae erga ipsos conceptae propensionis perennet, antiqua civitatis nostrae SOPRONIENSIS INSIGNIA, sub forma sequenti duximus denuo danda, confirmanda et locupletanda. SCUTUM nimirum rubri coloris, cuius inferiorem partem mutus candidus, ex quadratis lapidibus constructus et tribus turribus (intermedia 304
