Alber, Joannis Nepomuk: Epitome institutionum historiae ecclesiasticae (Agriae, 1826)-90

i42

Epitome Part. II.

etiam émolumento ejusdem Religionis. Namque istae ferae * et barbarae nationes, Christianis immixtae, Christianam didicerunt Religionem. Franci, qui Galliam occupaverant, ceteris praeiverunt. Chlodovaeus eorum Rex Chlotil- dem Chilperici Burgundiorum Regis filiam Christianam duxerat uxorem. Haec nullam occasionem omiserat svadendi marito, ut Christianus fieret. Jam eousque flexerat, ut filios, duos ex Chlotilde susceptos, permiserit baptizari. In bello deinde cum Alemannis, rebus desperatis, ad Christum se vertens vovit, in illum se crediturum , si victoriam de hostibus retulisset. Illico hostes, qui superiores erant, primum cedere inceperunt, deinde etiam terga verterunt. Cum deinde populo suum propositum declarasset, etiam hunc pronum in sua vota habuit. Anno 496. die natal i Christi baptizatus est. Sigismund u m Regem Burgundiorum Avitus Episcopus Viennensis in Gallia ex Arianismo una cum populo eduxit. Jamque ejus etiam patrem Gu n de b al- dum eousque perduxerat, ut agnoverit veritatem Catholicas Religionis: sed dum procrastinaret professionem facere Religionis, priusquam reconciliaretur, mortuus est.

In Britanniam majorem jam primis Ecclesiae seculis venit Christiana Religio : siquidem Tertullianus dicat, Britannorum Romanis inaccessa loca fuisse Christo subdita. Circa medium seculi quinti Britanni a Saxonibus , et An- glis Germaniae populis, regionem ad Albini incolentibus, extrusi erant ad extremam insulas, qua ad Austrum spectat, oram. Istos autem adhuc ethnicos Augustinus , a S. Gregorio M. missus, ad Christianam Religionem perduxit: primum-