Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e

partem sollicitudinis nostras assumptos fuisse, quorum honor, et sublimitas teste Ambrosio, nullis potest comparationibus adaequari: Religiosos etiam in agro Dominico pro Christianae Religionis defensione, et ampliatione complura fecisse, ac uberes fructus protulisse , et in dies singulos proferre: Itaque par esse, ipsos inter se pacis vinculo, ac fraterna charitate, et unitate conjungi, ut eorum concordi doctrina , et mutuis operibus uberiores in Ecclesia Dei fructus proveniant , et Religiosis jura concessa illaesa conserventur: sin autem per Romanos Pontifices, et Sedem Apo- stolicam his aliquid concessum esset in Episcoporum laesionem, hujusmodi concessiones se in sub- sequentibus duxisse moderandas. Unam esse regularium, et secularium Praelatorum, et subditorum exemptorum, et non exemptorum universalem Ecclesiam: igitur decere eos, qui ejusdem corporis sunt, unius etiam esse voluntatis, nec conveniens esse, alterum in alterius injuriam prosilire.

Ludovicus XII. Rex Galliae a. 1515. vita functus est. Franciscus I. gener ei successit in regno. In locum abrogatae Sanctionis pragmaticae hic iniit cum Leone Pontifice aliam ad gubernanda negotia Ecclesiastica rationem in Gallia. Haec cum prius Bononiae tractata, et conclusa fuisset coram inter Leonem, et Franciscum, in sessione 11. Concilii lecta deinde et promulgata est, quod Concordatum fuit appellatum. Per hoc jus eligendi Episco-! pum, quod erat penes Capitula Canonicorum desiit, et Regi datum est jus nominandi successorem ad beneficium vacans, idque intra menses sex a die, qua Sedes vacare coepit: quem sibi

oblatum si Romanus Pontifex confirmasset, obtinel8 Instit. Hist. Eccles. Pars. H.