Alber, Joannis Nepomuk: Institutiones historiae ecclesiasticae Tom.5. (Agriae, 1825) - 89e
missis ipsius etiam dignitatis Papalis. Postquam autem Carolus Imperator non jam opus habebat Henrici auxilio , capto Francisco in Ticinensi praelio, elanguerat. etiam ipsius affectus ille prior erga Volsaeum. Quod iste iniquo animo ferens , Hernicum quaerebat permovere, ut arma sociaret cum Francisco contra Carolum; et quo firmius hos inter se conjugeret, auctor Henrico fuit, ut a Catharina conjunge sua se separaret , et Margaritam Francisci I. sororem duceret uxorem, dicens, connubium cum Catharina propter affinitatis impedimentum non esse legitimum , quo neque Romanus Pontifex potuerit illum solvere. Nactus erat Volsaeus alios etiam adjutores, qui idem svaderent Regi, ne regnum transiret ipso mortuo ad quemdam exterum Principem, eo quod mascula prole careret. Susceperat ex Catharina proles quinque partim masculas , partim femellas : sed omnes erant mortuae praeter filiam Mariam. Haud difficulter svasioni Henricus cessit, captus jam amore Annae Bolenae, quae equitis Angii filia, una ex virginibus erat , quas Regina habebat ad suum obsequium, cujus cupiditas eo magis erat accensa, cum illa etiam jure jurando asseverasset, numquam aliter, quam jure conjugali in notitiam se cuipiam viro praebituram. Causam ipse etiam Henricus voluit deferri ad Romanum Pontificem Clementem VII. decisionis causa, ipsius matrimonium cum Catharina essetne initum legitime, et valeretne. Declaravit Pontifex Henrico se eo animo erga eum esse, ut sit libenter id omne facturus, quod salva justitia facere potuerit. Etiam si vero satisfieri petitioni Henrici salva aequitate potuisset, tamen ex altera parte etiam A Sec. XVI. usque ad Sec. XIX. 123
