Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

46

Institut. Hist. Eccl. Pars IV.

gerent, verum ex iis solis, quse sponte sibi essent oblata, et donata, viverent. Et tamen in liac tali paupertate viris semper floruit hoc Institutum vitae integritate, literis, coneionibusque ad populum habendis, et in munere missionis ad infideles convertendos egregiis , et laudatissimis. A Clemente VII. confirmatus est hic Ordo. Extra Italiam non multa habuit domicilia. Anton. Ca~ raciolus in Vita Joan. Petri Caraffa, et Socior. Silvest. Maurolic. in Oceano omnium Religion.

Ordinem Theatinorum secutus est biennio post a. 1026. Ordo Clericorum Regularium S. Pauli Decollati, Mediolani institutus ab Jacobo Antonio Morigia, Bartholomseo Ferrario, Mediolanensibus , et Francisco Maria Zacharia Cremonensi eum in finem, ut populum suis concionibus ad poenitentiam, pieque vivendum excitarent, quo publicam etiam Epistolarum S. Pauli lectionem adhibebant. Iidem vocali sunt etiam Barnabitae ab Ecclesia S. Barnabse , quam Mediolani omnium primam habuerunt. A Clemente adprobatus est hic Ordo, ita tamen ut penderet ab Archiepi- scopo Mediolanensi. Clementis VII. Constitutio 37. in Bullario. Jam a. l554. rursus novus Ordo exsurrexit Clericorum Regularium de So- mascha. S. Hieronymus Aemilianus, nobilis Venetus , ejus auctor fuit ad Orphanorum curam, ut recepti in certis domibus in pietate, literis, et in ipsis etiam artibus mechanicis instruerentur. Paulus IV. Papa hoc Institutum approbavit, i te— rumque Pius V. illud confirmavit. Cum confirmatione Pontificia datum fuit huic Ordini denominatio Clericorum Regularium S. Majoli de Papia; illud tamen etiam de Somascha eidem nomen mansit, ubi non longe a Mediolano Hieronymus