Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d

435 Institut. Hist. Eccl. Pars IP*.

doctoribus , e quorum prudentia, atque ingenio fluxerant illa decreta Constantiensia de eminentia Conciliorum supra Papam , dixit: P?llem equidem nasse, unde tantum vobis audaciae, ut Pontificem de Petri solio deturbare veriti nequaquam sitis. Id unum fortasse superest, ut de Regia dignitate genitori meo adimenda, nostrisque occupandis ditionibus cogitetis.' sed vestra consilia abrumpemus. Scriptor anonymus Hist. Caroli VII. Berthier in Hist. Eccl. Gallic. Tom. XV. lib. 45. pag. 528. Num satis hic Princeps, qui deinde Carolo patri in regno successit, undecimus e Ludo vicis , dispexit, quaenam consectaria illorum Constantiensium decretornm essent, quibus etiam Basileenses sua ausa seditiosa inaedificarunt, et quam ipsis etiam Principibus formidanda ? Quae nostra aetate populorum complurium in Europa excitatae seditiones sunt, et rebellationes ad Reges non solum deturbandos ex throno, verum etiam vita spoliandos, sicut fecerant Galli in Ludovico XVI. Rege suo, ex hoc fonte fluxerunt, tit hoc declarabit postea etiam haec adhuc suo loco historia. Ex iisdem decretis Concilii Constan- tiensis Juris Ecclesiastici doctores, qui secuti Fe- Bronium sunt errantem, sed sequi renuuut errores suos retractantem, jus sibi composuerunt Ecclesiasticum, quo in speciem velint videri favere Principibus, sed reipsa nonnisi adulentur, cum totum tendat ad eorum thronos subvertendos. Hi, iidem quo pacto Jus Ecclesiasticum susque deque vertant, et Romanum Pontificem habeant, totam- que Hierarchiám Ecclesiasticam pergant convellere ; in Dissertatione mea XV. in Selecta augumen- ta Historiae Ecclesiasticae videor mihi satis luculenter ostendisse.