Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d
418 Institut. Hist, Eccl. Pars IV. concilium afferre in argumentum? Annon etiam liis qui Unionem propugnabant, ut Josephus Fpi- scopus Methonensis, Gregorius Protosyncellus, Gennadius, et Bessario, respondendum fuisset adversus hocce Sophianum concilium, utpote, quod habitum a Graecis fuisset ad explodendam auctoritatem Concilii Florentini, vi cujus facta Unio erat? Sed neque ii Graeci, qui postea scripserunt , etiam data opera de rebus, ad Religionem eorum attinentibus, et quamvis dissidentes a communione Latinorum , istius concilii Sophia- ni mentionem fecerunt. Malaxus Historiam Patriarcharum Constantinopolitanorum scriperat usque ad annum i55o. ab hoc autem anno hanc continuavit usque ad a. i65q. Philippus Cyprius Ecclesiae Constantinopolitanae Protonotarius in Chronico Ecclesiae Graecae, cuius nomen etiam exstat in subscriptionibus Conciliorum, quae a Graecis contra Cyriilum Lucarim a. i63q. et i642. sunt celebrata : quorum tamen neuter quidpiam scivit de hoc Sophiano concilio. Figmentum istius Sophiani concilii etiam hinc se manifestum facit. Iidem hi scriptores, habentes hoc Sophianum concilium, ponunt istud sub Athanasio Patriarcha Constantinopolitano esse celebratum. Post reditum Graecorum ex Florentino Concilio, qui a. i43q. contigit, Josepho Patriarchae Florentiae mortuo, suffectus est Metrophanes. Huic anno 1444. mortuo successit Gregorius Protosyncellus. Huic vero , cum sponte recessisset a Patriarchatu, anno l453. jam Mahomete Sultano Constantinopolim tenente, suffectus est Gennadius. Iste igitur etiam Athanasius Patriarcha, a quo celebratum hoc Sophianum Concilium sit, nonnisi confictus est; quem neque Graeci scriptores in Catalogis Patriarcharum habent. Philjppus Cyprius in Chronico ha-
