Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d
et regnum Neapolis, quod jure fiduciario Reges Neapolis a Sede Apostolica habent, in Carolum Ducem Dyrrachii , qui hoc nomine inter Reges Neapolis tertius, secundus vero inter Reges Hungáriáé erat, transtulit. Hinc orta contentio est inter eumdem Carolum, et Ludovicum Andega- vensem , Joannis Regis Galliae filium, continua- taque ab Ludovico cum Ladislao Caroli filio. Hac ratione Balthasar Cossa , patria Neapolitanus , electus Pontifex est, qui se Joannem XXIII. nominavit. Ludovicus Andegavensis ab hoc quod volebat , obtinuit: cui militem etiam subsidio miserit, ad regnum Neapolitanum sibi asserendum. Ladislaum Joannes XXIII. eo etiam nomine non ferebat, quod Gregorio XII. adhaesisset. Ladislaus idcirco ipsi etiam Joanni XXIII, bellum intulit; et exercitu jam ipsis moenibus urbis Romae admoto adegit, ad regnum Neapolitanum sibi confirmandum, et insuper ad centum millia aureorum solvenda : ipse tamen sponderet, se deserto Gregorio ad partes Joannis transiturum , eidemque fidelitatis sacramentum dicturum. Non fecerat autem hoc sincere, sed incautum studebat opprimere, Lrbemque occupare. Nam, dum Joannes, omnesque Romani securos jam se putassent, Ladislaus noctu suffossis moenibus in Urbem irrupit ita, ut vix Joannes sui comprehensionem fuga evadere potuerit. Datae in praedam militibus Ecclesiae, eaque licentia exercita, ut basilicae Apostolorum in stabula equorum conversa* sint, et milites ex calicibus, quae rapuerant ex Ecclesiis, in tabernis vinum piiblice potaverint, Sacerdotes quoque et Clerici plures contrucidati, virgines et matronae violatae, civesque permulti ex Urbe proscripti, et eorum bona sint occupa-, ta 526 Ins tit. Hist. Eccl. Pars IE.
