Alber, Joannis Nepomuk: Institutiones historiae ecclesiasticae Tom.4. (Agriae, 1825) - 89d
Instit. Hist. Eccl. Pars IE. 52 4 ut vitae genus monasticae coepit, non omnes monachi eamdem vivendi disciplinam , ne in habitu quidem exteriore observaverunt. De initiis tam anachorefici quam monastici instituti fuit jam supra Part. I. 24. Neque enim monasteria, et eorum Praesides alii ab aliis pendebant. Ne illa quidem monasteria, quae regulam S. Benedicti sequebantur, et nunc etiam sequuntur, ex Cassi- nensi monasterio, cujus auctor S. Benedictus fuit, in omnes regiones valde propagata: nisi in quibusdam locis , velut in Hungária, ubi ista praeter suos seorsim Abbates tamen adhuc Archiabbatem in monasterio Montis Pannoniae habent. Benedictus patria Nursinus , nobili genere natus , primum ad locum, qui Sublacus dicitur in finibus Campaniae, secessit, et unde Cassinum transiit: ubi Apollinis simulacro, qui ibi adhuc colebatur, everso, et confracto , monasterium exstruxit a. 529. Multiplicata in immensum est familia S. Benedicti , ejusque monasteria, et procedente tempore ab hac velut matre prognatae sunt rursus aliae Monachorum familiae, quemadmodum nomine ita etiam institutis quibusdam, imo et vestitu differentes. Tales erant monachi Vallis Umbrosae, intra excelsos montis Apennini colles, quorum auctor fuit S. Joannes Gualbertus ann. 1070. tales Clumiacenses, quorum Ordinem instituit Berno Abbas in Gallia, an. 910. tales montis Oliveti , quorum auctor fuit B. Bernardos Ptolomaeus in Tuscia an. i5i3. tales Gran- dimontenses in Gallia instituti a S. Stephano Abbate qui a. io56. vita functus est, tales Silve- strinae Congregationis, quam instituit B. Silvester Guzolinus, qui a. 1267. diem obiit supremum, tales Caelestini, quos instituit Petrus de Murrhou Eremita, qui deinde factus Romanus Pan-
