Alber, Joannis Nepomuk: Institutiones historiae ecclesiasticae Tom.2. (Agriae, 1825) - 89b
22 Institut. Hist. Eccl. Pars II. monitorii cap. l. He quibus omnibus, ait, capitulis (modo allatis) Patres, et Episcopi regionis illius restiterunt Caelestio , et jusserunt, ut eadem condemnaret, quia essent haeretici sensus. Sed Caelestius nullo modo acquiescens, quin imo resistens Actis eisdem Ecclesiastica communione privatus est. A qua sententia ad Romani Episcopi examen credidit appellandum: qua mox idem appellatione neglecta Ephesum Asiae urbem contendit, ibique ausus est per obreptionem locum Presbyterii petere. Pelagius, quem ivisse in Palaestinam, supra dictum est, Jerosolymae se in animum Joannis Episcopi Jerosolymitani insinuavit specie sanctimoniae, nec omisit virus doctrinae suae aliis afflare. Coortae sunt dissensiones , et disputationes. Quamobrem Joannes de sententiis Pelagii judicium instituit in conventu sui Presbyterii. Erat eodem tempore Orosius Presbyter ex Hispania in Belli- lehem apud S. Hieronymum super quibusdam quaestionibus Scripturae sacrae, et quia priusquam in Palaestinam venisset, in Africa fuerit apud S. Augustinum, accersitus est et ipse ad hunc conventum resciendi causa, quid ab Africanis Episcopis actum esset erga Caelestium. Demonstravit , hunc apud Carthaginem plurimis Episcopis judicantibus auditum , convictum confessum, detestatumque ab Ecclesia profugisse ex Africa ; insuper ipsius etiam Pelagii librum refutatum esse a S. Augustino libro de Natura, et Gratia: quin Augustini etiam epistolam protulit ad Hilarium Syracusanum, qua ejusdem Pelagii perstrinxerit errores. Destitit autem Orosius insistere accusationi, cum advertisset, Joannem ferri quadam indulgentia erga Pelagium. Joannes autem
