Alber, Joannis Nepomuk: Institutiones historiae ecclesiasticae Tom.1. (Agriae, 1825) - 89a

f

Hispania dividunt. Haec antiquitus divisa fuit in Galliam Cisalpinam, et Transalpinam per Alpes, quae intercedunt inter Galliam, et Italiam, ita ut tota ea pars, quae prius Insubria, postea Lombardia fuit vocata, ad eam partem Galliae sit relata, quae Cisalpina fuit vocata, vel Togata. Transalpina, alio nomine Comata, divisa fuit in Galliam Aquitanicam, Celticam, Narbonensem , et Belgicam. Celtica alio nomine fuit appellata Lugdunensis ab Lugduno. In hac sunt Lutetiae Parisiorum a Chlodovei Regis aetate Regum Galliae sedes. Gallia Narbonensis dicta fuit etiam Brac- cata, ubi nunc Delphinatus, et Sabaudia cum pluribus aliis regionibus est, cujus urbes nobiliores fuerunt, Narbo , Massilia, Arelate, et Vienna Galliae. Gallia Belgica ex parte cis Rhenum in veteri Gallia , ex parte trans Rhenum sita fuit in Germania: cujus incolae postea divisi in provincias septemdecim, dicti Belgae sunt. Galliae Transalpinae Orientem versus adjacet Helvetia. Ab eadem Gallia Septemtrionem versus cum aliqua declinatione sita est Britannia magna, tria complectens regna, Angliáé , Scotiae , et Hiberniae in. duabus posita insulis, circumfusis ex latere uno Oceano Germanico, ex altero Oceano Atlantico , et nonnisi per fretum, quod Britannicum appellatur, sejuncta a Gallia.

A Gallia pergendo ultra ab ejus superiore parte, sequitur Germania magna, Meridiem versus habens Danubium, a Septemtrione autem attingens Oceanum Germanicum, et sinum Coda- num. Plinio et Tacito perhibentibus Germaniam incoluerunt populi duo, et nonaginta, nominibus atque sedibus distincti. Nominatiores sunt Cimbri, Cherusci, Teutones, Alemanni, Burgundiones,

7 4 Prolegomena