Alber, Joannis Nepomuk: Dissertationes in selecta argumenta historiae ecclesiasticae Tom.2. (Pestini, 1820) - 683b

8h

DISSERTATIO XIII*

manum genere, vel saltem Italum natione eligerent Pontificem, intentatis etiam minis, si aliter fecissent. Electus est ab his concordibus suffragiis Bartholomaeus Prignanus Neapolitanus, Ar- chiepiscopus Barensis. Is Romam vocatus ad capessendam dignitatem , haesit aliquamdiu , neque consensum dare suae electioni voluit. Primum quinque ex sedecim iis Cardinalibus, qui electionem perfecerant , hortati sunt Bariholomaeum , ut Pontificatum susciperet. His se in hac eadem petitione conjunxerunt Cardinales alii sex, qui in Castrum Angeli confugerant, sedato autem populi tumultu inde prodierant, et unus insuper ex reliquis quinque , qui peracta electione ex ipsa etiam Vrbe diffugerunt. Tandem Bartholomaeus consensum dedit et a. 1575» die 18* April, quae fuit Dominica Paschatis , more solenrii inauguratus est in corona omnium sedecim Cardinalium, quorum suffragiis electus fuit, novo nomine appellatus Vrbanus VI. Sex erant Cardinales, qui adhuc Avenione residebant. Hi certiores facti a Collegio reliquorum Cardinalium de electo a se Vrbano VI. hanc electionem ipsi quoque ratam habuerunt. Vnus adhue deerat ex Cardinalibus, agens legationem inHetruria: quorum tunc totus numerus fuit trium, etviginti. Iste quoque cum rediisset, Vrbanum in consessu omnium Cardinalium ea veneratione prosecutus est sine omni cunctatione , quae solet tribui Romanis Pontificibus.

Pauci intercessere dies , cum Pontifex quaedam in Cardinalibus reprehendit, minatusque est, se se illos ad regulam aliam directurum. Quod illi adeo impatienter tulerunt, ut Anagniae conventum instituerint, atque in hoc Pontificatum Vrbano abrogaverint , praetexendo, non fuisse electum legitime: siquidem metu sibi incusso per Romanos libertate caruerint, ad legitimam electio-