Alber, Joannis Nepomuk: Dissertationes in selecta argumenta historiae ecclesiasticae Tom.2. (Pestini, 1820) - 683b
510 DISSERTATIO XVII. et Politica asseruerunt, contradicerent. Namque Pehemi ista est assertio : „Ecclesia, et Civitas per „Deum connectuntur sine unius ab altera depen- „dentia.,, a) Brezanoczius pariter tractans de nexu inter Ecclesiam, et Rempublicamsic loquitur: „In hoc genere sententia est illorum , qui affir- „mant Ecclesiam , et Civitatem esse duas summas „in sua linea potestates , et a se invicem inde- „pendentes. Atque haec sola est vera. Etenim nec „Ecclesia pendet a Civitate, nec Civitas ab Ecclesia „seu directe, seu indirecte. „ b) Nam si statuta Potestatis Ecclesiasticae itarequirunt Placetum , ut secus vim obligandi non habeant, estne Ecclesiastica potestas in sua linea , verbo utor BrezanoczianO, summa, et ,talis, qualis etiam in sua linea est potestas Civilis ? Et quomodo summa potestas Ecclesiastica , si pendet in suis statutis a potestate Civili? Quomodo etiam dicere possunt, neutram ab altera pendere , quando, ut dicunt, statuta Potestatis Ecclesiasticae non obligant, nisi a Potestate Civili Placetum assecuta sint? Quale etiam istud est Brezanoczii ? Placetum, non est ratio sufficiens, ob quam lex Ecclesiastica obligat, sed tantum conditio,"sine qua non obliget. Concedit, Placetum non esse rationem sufficientem, ob quam lex Ecclesiastica obliget: nec aliter poterat facere , nisi Principibus Secularibus etiam voluisset spiritualem attribuere potestatem. Est axioma Philosophorum, nihil fieri sine ratione sufficiente. Ergo lex Ecclesiastica, habito etiam, et obtento Placeto, aliam debet habere ra-» tionem sufficientem , ut obliget. Ratio sufficia) Praelect, in Jus Eccl. Sect 3. §. 690. b) Instit. Jur, Eccl, Part. I. §. 179.
