Alber, Joannis Nepomuk: Dissertationes in selecta argumenta historiae ecclesiasticae Tom.2. (Pestini, 1820) - 683b
DISSERTATIO XII. liujus auctorem nequitiem fuisse Hispanum, sed Germano-Francum , vel Franco - Germanum , atque esse partum , qui Moguntiae conceptus , et editus sit nec unius, verum plurium labore , et opera : inter quos ponendum putavit etiam Benedictum Levitám Diaconum, qui a. B 1Q. etiam Capitularia Caroli M. conscripserit. Nam cum sensisset, in hac Collectione positas Decretales Romanorum Pontificum , esse nonnisi fraude confictas, atque supposititias, vidisset autem, rem fuisse majoris negotii tot Pontificibus tot epistolas apte supponere, quot habet ista Collectio 5 assumpsit suo arbitratu plures , qui, ut is vult, ad istam fraudem instruendam studium suum, atque operam contulerint. Considerabimus postea, bonane fide , vel secus Isidorushoc suum opus fecerit: sique repertum fuerit, abfuisse fraudem, et voluntatem decipiendi , nulla erit necessitas plures concipiendi absque fundamento ad perficiendam hanc Collectionem, quae perfici potuit unius hominis sedulitate, et diligentia. Sed neque causa erit suspicandi , hoc Isidori nomen esse fictum illius, qui hanc Collectionem fecit, ideoque ab hoc assumptum, quod fraudem moliens aliter, quam larvatus ausus non sit prodire. In Chronico Juliani Toletani, quod Parisiis editum est a Laurentio Ramirezio, auctor hujus Collectionis perhibetur fuisse Isidorus Mercator, Episcopus Setabensis, quae civitas nunc Xativa dicitur in Hispania, usus ope monachi cujusdam Be- nedictini, anno 805* vita functus, aetatis anno centesimo. Hoc referens Petrus de Marea lib. 5* de Concord. Sacerd. et Imp. cap. 5* §• 2* iterum- que lib. 7* cap. 20» §• 2- dicit laborandum haud esse de auctore istius Collectionis , si Chronicon hoc falsi suspicione non laboraret. Etiamsi vero Chronicon istud non careret admixtione rerum fal48
