Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a
82 DISSERTATIO H. DE 0 R. SED. PATRIARCH. ETIWETR. ?,ca fluxisse.,, Ipse prius dixerat, orbem Ecclesiasticum juxta dispositionem Romani Imperii jam in Ecclesiae infantia in provincias ipsos Apostolos partitos esse. Ergo neque ista sectio, quam modo dixit, ex consvetudine Ecclesiastica fluxisse, nisi non consentanea sibi locutus esset, de tempore Apostolorum accipi potest, sed de posteriore: in quo, dum Ecclesiae ulterius aliae fundarentur, idem mos ab Apostolis coeptus, continuatus sit. Etiam idem De Marea in Dissertatione sua prima docet, Apostolos , ex officio ad communionem cum Petro ut capite, servandam fuisse obligatos , atque Ecclesias , per provincias instituisse ea lege, ut Petrum, tanquam Ecclesiae caput , respicerent, ejusque regimini subjicerentur , islamque necessitatem verbis Christi praescriptam esse. Etenim ut Ecclesiae unitatem solidaret , uni Claves tradidisse, et super Petrum aedificandae Ecclesiae Petram dictum, totius aedificii compagem imposuisse. Apostolos singulis Episcoporum provincialium conventibus unum Episcopum praefecisse, qui caput, et Primas esset totius coetus, per quos ad unam Petri sedem universalis Ecclesiae cura conflueret, quemadmodum idem hoc sit a Leone dictum. Si Primatus Petro a Christo collatus originem suam habet ex instituto divino , idque per hunc Primatum totum fuit in Petro principaliter a Christo collocatum, ut ab eodem Petro velut a capite dona in omne corpus diffunderentur, ut est ab eodem S. Leone dictum 5 si ab Ecclesia Romana per ejusdem Petri cathedram in omnes venerandae communionis jura dimanant, quemadmodum S. Ambrosius docuit, sique potestas, quae ex capite derivata in membra est, in capite divina est, haec eadem in membris, in quae ex ca- capite manavit, potestne habere fontéig tantum instituti humani ?
