Alber, Joannis Nepomuk: Dissertationes in selecta argumenta historiae ecclesiasticae Tom.1. (Pestini, 1820) - 683a
DISSERTATIO II. „Apostolo in Aegyptum directus verbum veritatis „praedicavit, et gloriosum consummavit martyrium; tertia vero Sedes apud Antiochiam ejus- „dem B. Petri Apostoli nomine habetur honorabilis, eo quod illic, priusquam Romam venisset, „habitavit, et illic primum nomen Christiano- „rum novellae gentis exortum est.,, §. 6. Sententiae omnes, quae aliunde, quam a Cathedra Petri repetunt jura Sedium Patriarchalium, et Metropolitanarum , tendunt adversus Primatum in Petro a Christo institutum. Per Primatum, sibi a Christo collatum, Petrus factus est caput universae Ecclesiae : itaque omnes alii in Ecclesia debent esse membra sub capite Petro constituta, etiam Episcopi. Membra vero in functionibus suis pendent a capite , ejus- que nutum sequuntur, nisi distorta, aegra sint, aut nec vivida. Hic Petri Primatus non est solius honoris, ut Protestantibus placet, verum etiam jurisdictionis: quod Catholica professio habet, quemque etiam Neoterici Jurisconsulti ex Catholicis negare non audent; verusne autem iste Primatus sit, quem hi verbis dant, debet adhuc esse quaestio. Dum ergo potestatis, et jurisdictionis iste Primatus est; neque potestas , quam membra exercent, potest esse divisa, sejuncta a Capite, huicque non subjecta. Esset vero divisa, sejuncta a Capite , huicque non subjecta potestas in membris, quae hanc sibi aliunde sumpsissent, atque citra voluntatem, et consensum Capitis exercerent. Negant Protestantes, necessarium esse nexum cum cathedra S. Petri, cum Ecclesia Romana. Hinc aequalitatem potestatis posuerunt ?8
