Krammer Ferenc: Fragmentum quintum historico-dogmaticum de neoterica religionis et Ecclesiae catholicitate ... ex traditione originali (Posonii, 1825) - 23.280
8 * Omnis, qui recte de providentia Dei, divinaque rerum humanarum cura, sentit, fateri debet, fundatam omnino in omni, universum humanum genus adtinentis, atque adversus quosvis ordinariae providentiae modos pertinacis, mali casu, extraordinarii presidii expectalionem tanto magis esse, quo malum illud gravius, ob imperii vim, quam adeptum est, correctu desperatius , atque ad frustrandam humanam destinationem efficacius est; — quale quidem malum, hoc, de quo agitur, esse, vacat dubio. — In gravi et extraordinaria necessitate humanum genus haud destitui, sique consueti ac ordinarii modi non sufficiant, succurri a Deo extraordinaria ope, docet et ratio et experientia. S. 2. Et expectatio Universalis. Nisi gentes omni recti et aequi sensu, humanaeque destinationis idea caruisse fingas, haud ambiges, sensisse eam necessitatem, et expectasse universim divinam de Coelo opem. — Expectasse reipsa non populos tantum, verum ipsos etiam, qui erant, gentium Sapientes, jam vidi, mus ex historia; (Period, i.) idemque mox Prophetarum testimoniis adfirmatum videbimus. * At Judaeorum gentem ea in expectatione praecelluisse caeteris omnibus et securitate secuturae opis, oh praehabita Prophetarum vaticinia, et curatiore ejusdem inlelligentia, certum est; pertinere enim eam opem ad benedicendas omnes gentes, — ad adducendam sempiternam justitiam , — et ad abolendum peccatum, scripturarum divinarum testimoniis docti sunt. ** *Haec gentium expectatio, est manifesta omnium eorum condemnatio , qui allatam eam opem aut eousque minuunt, ut prope nulla, vel exilis sit, — aut Hebraearum, Hebraeo-Grae- carum , vel Aramaearum literarum involvunt cortice, oppido paucis pervio, obnoxioque enucleatoribus seu interpretibus qua imperitis, qua fraudulentis, qua denique dissentientibus, relicta hominum multitudini insuperabili latentis intrinsecus nuclei cognoscendi difficultate, et revecta postliminio, quae abolita videbatur, expectatione• ** Id , quod de curatiore intelligentia dictum est, intellige de veteribus, qui ante Babylonicam captivitatem erant, et a no- vis magistris ad posteriorum discrimen, Hebraei vocantur, Judaeis ; —. certum enim est, inde a Babylonica captivitate circi-
