Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c
408 instare, ot eo dimisso in Bohemia, et Germania gravissima seditio , et persecutio contra Ecclesiam Catholicam, ejusque ministros oriatur. Sigismundus imperator Constantiam delatus, et literas securitatis Hnseio datas non observatas cernens, primo quidem eum libertati restitui jussit, postea tamen a patribus, interpellatus, ne concilii libertatem haereses exstirpandi limitaret, tandem cessit eo a fortiori, quod patres secus concilium solvere minarentur. Instituto dein coram ipso imperatore examine Hnssius ad cuncta sibi proposita puncta imperterrite respondit omni licet patrono destitutus, suamque doctrinam exposuit, errores tamen suos revocare, ut concilium praescripserat, nullatenus voluit. Cum autem in tertio quoque examine obstinatus In proposito suo persisteret, neque errores suos palam excerptos etiam penes preces, et minas adhibitas retractare vellet, concilium pronunciavit doctrinam ejus nequaquam Catholicam esse; ideoque eam una cum scriptis igni devovit, ipsi vero Joan- ni Huss notam veri et manifesti haeretici inussit, eumque ordine sacerdotali exutum judicibus secularibus resignandum decrevit. Hnssius terminata degradationis cerimonia magistratui civili relictus , et per hunc, nihil impedientibus cleri precibus ne vita privaretur, ad ignis supplicium damnatus est. Antequam rogus accenderetur, dux Bavariae, comes item de Pappen/ieim eum accedentes hortabantur, ut tandem meliora sapiens vitae suae parceret, verum eos surdis auribus excipiens, et in obstinatione quoque veniam sperans inter preces tandem combustus est, cineribus ejus in vicinum Rhenum projectis, ne a Bohemis superstitiose colerentur. Quam poenam Hieronymus Pragensis fidelissimus ejus assecla, et amicus pariter subivit. Vid. Vollständige Gesch der Hussiten seit der Hinrichtung J. Huss Leipz. 1783. Royko Geschichte der gros. und allgem. Kirchenvers. zu Costniz. Wien 1783—86. T. IV. edit 2. Lenfant Hist, de la guerre des Hussites T, II. Amsteid. 1731. itera supplement a 1’ histoire de la guerre des Hussites de Mr. Lenfant par Isaac de Besaubre a Lausanne et Geneve 1715.. Mansi Concil. T. XXVII. et XXVIII. Protestantes exceptionem formant conira Concilium Constanticnse quod nempe Joannes Huss, qui instar martyris ab ipsis colitur, licet
