Cherrier Miklós János: Institutiones Historiae Ecclesiasticae. Tom.3. (Pestini, 1841) - 21.951c

lay cum sexaginta ordinis viris e Cypro ad Gallias in sui praesentiam comparere jussit. Verum quamvis Templarii innocentiam suam audacissime allegarent, summusque Pontifex serium causae hujus examen faciendum statueret, rex morae impatiens literasad militum duces per totum Galliae regnum dispersos misit, eo cum mandato, ut Templarii uno die intercepti omnes carceribus mancipentur, ac bona eorum occupentur 87). Adveniente igitur die praefixo qui erat 13. Octobris anni 1307. equites 140 cum supremo Ordinis Magistro in palatio suo Parisiensi ex improviso intercepti, a supremo inquisitore Gulielmo Parisiensi ad examen vocati, diversisque tormentorum speciebus afflicti, aut pulchris promissis allecti, nefanda confitebantur Templariorum scelera. Talia erant, A ab negat io Religionis Christianae ita, ut initiandi crucifixum conspuerent , aut pedibus calcarenff idolum quoddara adorarent, quod caput hominis barbatum ex auro plerumque vel argento conflatum, et terribili figura praeditum repraesentaret vulgo BaphometJtm dictum } in conventibus suis Sodomiae crimen perpetrarent; Ordinis presbyteri Sacrificium Missae verbis consecrationis omissis celebrarentdenique Supremus Magister, nullis ordinibus initiatus potestatem absolvendi a peccatis exerceret.-^His nuditis rex personaliter Templariorum palatium ingressus, omne aurum, et argentum pretiosa supellectilia, ct scripta cuncta ibidem reperta occupavit ac auferri jussit. Pontifex quidem libertatem Ecclesiae Catholicae vindicare cupiens publice protestatus est, et expeditis Parisios duobus Cardinalibus episcoporum, quorum opera rex utebatur , potestatem suspendit. At rex, ut Pontificem Romanum aliquatenus placaret, ei reposuit, se hanc causam non aliter, ac cum influxu Sedis Romanae terminaturum, imo cuncta Templariorum bona subsidiis terrae sanctae consecraturum esse. Quo audito Pontifex tractabilior redditus Galliae episcopis jus negotia haec tam intra, quam extra dioeceses suas tractandi concessit, examine tamen Supremi Magistri, ordinisque officialium sibi reservato. Imo ultro progressus Pontifex per diversa regna bullas ad principes

87) Meteraeus Abrcgé Chronol. T. III. p. 550. Continuator Histor. Uni- vers. Bossuetti T. II. p. 64. Z), G. Moldenfiawer Prozess, gegen den C'.lea der Tempelherrn, aus den Original Akten der päpetl. Commis« sion in Frkf. 1792. ,