Cherrier Miklós János: Institutiones Historiae Ecclesiasticae. Tom.1. (Pestini, 1840) - 21.951a

Historia Ecclesiastica praedicandum esse quisque perspicit; nam illa adumbrando statum literarium, evolvendo, quantum licet, Philosophiae systemata, horumque principia comparando, et Religionis purae a Christo revelatae doctrinam recensendo, facem ad veritatis etiam obtectae recessus penetrandos accendit, facta proborum, et virtutis athletarum, qui vitam, et sanguinem veritati offerre non dubitarunt, et quibus contumeliam pro Christo pati gloria fuit, depingendo, veritatis lucem copiosissimam omnibus spargit. Quisque porro confitebitur vix existere errorem, aut vitium, vix enasci praejudicium, cujus Historia Ecclesiastica foedain imaginem non defingeret, ac tristes sequelas; et quaeso, ubi existit illa virtus, quae est illa mentis, et animi perfectio, cujus amorem non instillaret, ac venerationem? — haereses denique, apostasias, et schismata nuncupando, controversias theologicas enucleando, errores et vitia, morum corruptelam, et passiones hominum describendo, ac remedia efficacia contra haec cuncta praebendo magistram vitae felicissimam ouiniuo agit.

Et profecto nullus rei peritus iuficiabitur Historiae Ecclesiasticae lectioni summam operam impendendam esse ab omnibus Theologis. Quis enim ignorat? eandem egregie subservire Studio Biblico, dum Sacrorum librorum authentiam, et Integritatem semper agnitam fuisse ostendit, duin eorum Canonem recenset, originem, et vicissitudines enarrat, ac regulas Hermeneu-