Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
7S 4) Apostoli et Evangélistáé illa eo tempore et loco praedicarunt, et litteris mandarunt, quo multi adhuc vixerunt, qui illa ipsi videre debuerunt, nec tamen Apostoli et Evangélistáé refutati fuerunt, quamvis adversarii eos refutandi mullas causas , non refutandi autem nullam habuissent. 5) Apostoli et Evangélistáé ex sua relatione nullum temporale emolumentum sperandum , sed potius cuncta mala expectanda habuerunt, et reapse propter res, quarum testes erant, omnibus vitae commodis se abdicarunt, utpote quibus Deus omnia solus erat, maximos labores tota vita exantlarunt, persecutionibus se exposuerunt, demum, postquam novo vincendi genere de magna orbis terrarum parte triurnphassent, ipsam quoque mortem oppetiverunt. 6) Plurimi coaevi , docti et graves viri, qui vicino tempore et loco facile in rei veritatem inquirere et falsitatem, si quae fuisset, detegere potuerunt, et sine dubio etiam diligenter inquisiverunt, ut scirent, pro qua spe se immolent, pro religione, quae factis Evangelicis nititur , quin eos civium ardor prava jubentium, et vultus instantis tyranni mente quateret solida, carceres, exilia, tormenta, omnium cliaroruin , et ipsius quoque vitae jacturam passi sunt. 7) In factorum, quae Apostoli et Evangélistáé referunt, memoriam exstant monumenta publica, uti festa, aliique ritus ex illis adhuc primis et aureis Religionis et Ecclesiae Christianae temporibus. 8) Adsunt ingentes elfectus , nempe : propagatio religionis, carni et sangvini oppositae, tot martyrum sangvine signatae $ ruina regnantis religionis gentilis sensibus adeo adcominodatae $ victoria inopis virtutis de potente scelere} commutatio urbis Romae , Imperatorum gentilium regiae et Christianis initio maxime infensae, in urbem sanctam , in sedem successorum unius piscatoris Galilaei ibi in crucem acti, in arcem Religionis Christianae} cultura generis humani coelesti huic Religioni in acceptis relata — et haec omnia per paucos , rudes et contemptos piscatores, jam ipso nationis Judaicae, qua sali erant, nomine gentilibus exosos— adsunt, inquam, hi grandes etfoclus , qui aut nullam, aut saltem parem causam non habent, et nunquam solvendum aenigma Constituunt, nisi facta Evangelica i
