Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
aut si Uxores habuerint, mariti esse desistunt testimonia eorum haud infirmat dissensus Socratis, qui H. E. I. 5. c. 22. refert, quod clerici , imo etiam ipsi Episcopi in oriente ab uxoribus legitimo matrimonio sibi copulatis post sui ordinationem abstinere nulla lege ad- stricti fuerint et multi etiam tempore Episcopatus in conjugio vixerint et proles genuerint. 4) Scriptor intraneus extraneo ceteris paribus praeponendus est, tum quia scriptor intraneus res suas magis scire supponitur, tum quia, quo latius narratio diffunditur, eo magis corrumpi solet, e. g. Cum S. Leo M. Serm. 4. in Qnadrages. dicit, quod Romae ante Pascha 40 diebus jejunetur, illi, utpote scriptori intraneo, potius fides habenda est, quam Socrati , scriptori extraneo , qui H. E. I. 5. c. 22. refert, quod Romani ante Pascha tantum tribus hebdomadibus, praeter diem Domini et Sabbati , jejunent. Sed dixi: ceteris paribus; nam aliquando scriptori intraneo extraneus praeferendus est, uti si scriptor extraneus rem magis notam habuit, quia vel antiquior est, vel de re tali certior fieri non tantum potuit , sed etiam debuit, vel pluribus, melioribusque veritatis cognoscendae subsidiis usus est, vel recte tunc, cum eventus accidit, in loco rei gestae adfuit, intraneus autem abfuit, dein si scriptor intraneus partium studio, timore, aliiSque animi adfectionibus veritati inimicis notatus habeatur, extraneus autem ab iis liber sit. 5) Cum aliquid diversarum partium scriptores diverse referunt, medio tutissimus ibis. Male faciunt, qui in unius tantum partis scriptoribus totam veritatem quaerendam putant. In primis summa rei ab adjunctis, causis et 74
