Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
67 7) Demum ad sinceritatem scriptoris dijudicandam animum advertere oportet, quomodo in narratione sibi constet; mendacium enim saepe contradictio prodit, liinc qui pugnantia refert, fidem non meretur; res autem narrata pugnare potest vel secum ipsa, sic Eusebius Philostratum refutans ei exprobrat, quod Apollonium Thyanaeum describat, tamquam virum divinum , ex se omnium rerum gnarum, omnium lingvarum , imo etiam sermonis animalium, peritum, et tamen nominet magistros, quos in diversis disciplinis habuerit, narretque, eum varia itinera suscepisse, ut scientias sibi ignotas addisceret et ia itineribus interpretum ope indiguisse. V. Euseb. /. contra Hieroclem — ejusdem Eusebii libris de Demonst. Evang. adnexo juxta edit. Colon, a. 1688. vel cum Hi storia, et quideth temporum praecedentium , sic quod in Actis Syl vestri Imi Pontificis de Isachar summo Judaeorum Pontifice narratur , scilicet ab eo delectos fuisse praestan- tissimos quosque Judaeorum , qui in publico conventu Romae celebrando contra Sylvestrum Imum Romanum Pontificem et alios Episcopos coram Constantino M. et Helena ejus matre de religione disputarent, pugnat cum Historia temporum praecedentium; nam certum est, quod a tempore excidii Hierosolymitani summi Pontifices apud Judaeos creati non fuerint. Y. Baron. Annál. Eccl. ad a. 315. dein cum Historia temporum subsequentium , unde Constantini M. donatio, etiamsi alia omnia abessent, vel propterea fidem non meretur, quia pugnat cum Historia temporum subsequentium ; scilicet constat, quod post mortem Constantini M. provincias, quas ille Romanis Pontificibus donasse dicitur, ejus filii tranquille possede-
