Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

Of)

et quidem eo tempore et loco retulerunt, quo ea omnia adhuc in recenti memoria esse oportuit, imo quo adhuc multi superstites fuerunt, qui facta Christi ipsi videre debuerunt, adeo- que mendacium facile detegi potuisset et certe etiam detectum fuisset, quo facto ejus auctores turpiter confusi conticuissent, ut adeo hac fraude populo clare proposita nova Religio celeri ruina collapsa fuisset, et velut in ipso ortu occidisset, neque tamen Judaei et Gentiles, quorum hoc facere quam maxime intererat, Apostolos et Evangelistas unquam doli convincere potuerunt.

4) Qui in iis adjunctis constitutus est, ut ex sua relatione non tantum nullum commodum sperandum , sed potius gravissima quaeque mala pertimescenda habeat; nam stultissimus esset, qui unice ideo mentiretur , ut miser sit; inde rursus apparet, quantam fidem mereantur Apostoli et Evangélistáé , qui Christum Judaeis scandalum , et gentilibus stultitiam esse sciverunt, nihilque, nisi supplicia et mortem propter testimonium de eo datum exspectare potuerunt, nec tamen hoc testimonium dare refugerunt, imo , mysterium Crucis praedicaturi plura itinera, fatigiorum et periculorum plena, sive per aestuosas syrtcs, sive per inhospitalem Caucasum eundum esset, adtonito operibus eorum orbe, confecerunt.

5) Qui est auctor documenti publici, quoad materiam principalem; nempe in documento tali tria adcurate discerni debent, nimirum: materia principalis, seu id, in cujus confirmationem , promulgationem, aut memoriam documentum confectum est; haec materia principalis semper fidem meretur, sic libri symbo- licisine dubio ostendunt, doctrinam in iis pro-