Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
257 §. 84. Scriptores Protestantici. Cum virtus etiam in hoste agnoscenda sit et S. Hieronymus in Epist. ad Pam. et Ocean. egregie dicat: „nec bonis adversariorum — detrahendum est, nec amicorum laudanda sunt vitia, et unum quodque non personarum, sed rerum pondere judicandum est,“1 ultro fatemur , quod Protestantes magna cum industria in Studium Historiae Ecclesiasticae incubuerint. Hoc exegit etiam ipsorum scopus, qui in eo constitit, ut .ex Historia Ecclesiastica Catholicos impugnent, quasi ii a doctrina primorum seculorum defecissent. §. 85. Centuriatores Magdeburgenses. Centuriatores Magdeburgenses ita appellati sunt, quod Historiam per centurias, seu secula scripserint, et quatuor priores centurias et ex parte etiam 5tam Magde burgi confecerint. Eorum agmen ducit Matthias Flaccius Illyricus sic dictus, quia Albonae in Illyrico natus est. Reliqui autem ejus in hoc labore socii fuerunt: Joannes Wigandus, Matthaeus Judex, Basilius Faber, Andreas Corvinus, Thomas Holthuter, et alii. Y. Casparis Sagittarii Introd. in Hist. Eccles. — sive Notitia Scriptorum veterum atque recentium T. 1. c. 13. Guil. Cave Scriptorum Ecclesiastico- rum Historia Literaria in Prolegom. Opus, quod horum studiis natum est, inscribitur: Ecclesiastica Historia — congesta per aliquot studiosos et pios viros in urbe Magde- burgica. Basileae ab a. 15C0—1574. Tomi 13 I. 17
