Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880
239 buerimt, imo necessitatem imposuerunt, ut in studium Historiae Ecclesiasticae majore, ac antea, diligentia incumberent. Sicut bellum heroas generat, ita acatholicis nos impugnantibus , ac arma ex Historia Ecclesiastica petentibus, e vestigio surrexerunt etiam fortes veritatis vindices , ac propugnatores , qui contra acatholicos paribus armis usuri Historiam Ecclesiasticam majorem in modum excoluerunt. Hac ratione, cum partes contendentes res suas in antiquitate fundatas esse disputarent, et adversarios novitiae doctrinae arguerent, hoc- que ex Historia Ecclesiastica demonstrare conarentur, huic studio ex communi labore plurimum lucis accessit. §. 79. Baronius. Opus arduum , ac pene Herculeum scribendae contra Centuriatores Magdeburgenses Historiae Ecclesiasticae hortante Philippo Ne- rio Caesar Baronius Congregationis Oratorii Presbyter, dein hujus Congregationis Praepositus, Clementis 8vi Pontificis a Confessionibus, Bibliothecae Vaticanae Praefectus et Cardinalis aggressus est. Post navatam colligendis, et digerendis materiis 30 annorum operam , intra quod temporis spatium omnem Historiam Ecclesiasticam septies in Catechesibus enarravit, tandem suos Annales Ecclesiasticos edere coepit, quos etiam inde a nativitate Christi usque ad a. 1198. industria incredibili, et, ut Guil. Cave in Scriptorum Ecclesiasticorum Historia Literaria in Prolegom. ait: ,,pectore adamantino et labore pene supra vires humanasin Tomis 12 in f. perduxit.
