Vass László: Institutiones historiae ecclesiasticae novi foederis. Tom.1. Introduction (Pestini, 1828) - 20.880

117

Generalis, ad eandem Synodum vocati, profecti *unt de nostro oriente“ etc. et paulo post sub eodem anno ait: ,,Per idem tempus Romae celebrata est Synodus in Basilica Constantiniana, quae dicitur Lateranum, trecentorum Episcoporum, Pontificatus D. Alexandri 20mo, mense Martio , Indictionis 12ae, 5ta die mensis.“ Mensem Octobrem, ac diem 5tam Martii sequentis , qua Synodus inchoata est, Tyrius ad eundem annum refert, et sic die 5ta Martii juxta nos anni 1179. annum adhuc 1178 numerat, unde evidenter patet, quod annum vel a 25ta Martii, vel a Paschate exordiatur.

Sicut apud Graecos, ita apud Latinos aliquando etiam in uno eodemque Scriptore diversa anni initia observamus. Hoc inde venit, quod plerique Annalium et Chronicorum auctores nonnisi compilatores fuerint. Quare annos in diversis Scriptoribus, ex quibus sua desumebant, deprehensos non raro sine discrimine retinuerunt. Exemplum habemus in Annalibus Metensibus. Notum est, quod Carolus M. a. 800. 25ta Decembris in Imperatorem coronatus, et a. 814. 28va Januarii supremum diem obierit, annum a Ima Januarii, ut hodie mos est, ordiendo. Nihilominus Annales Me- tenses coronationem Caroli M. anno 801, mortem autem anno 813. consignant. Ut haec cum nostra annorum computandorum ratione conciliemus , ad duo diversa anni initia ab illis auctoribus , quos compilator Annalium Meten- siuin exscripsit, adhibita animum advertere debemus. Nimirum coronatio Caroli M. relata est ad a. 801. annum a Nativitate Domini, seu 25ta Decembris, mors autem ad a. 813. annum a sequente Ima Martii, aut ab Annunciatione Domini, seu 25ta Martii, aut a Paschate inchoando.

Demum, indubie exemplo et auctoritate Ecclesiae Romanae, Christiani, ejus eommu-