Krammer Ferenc: Fragmentum tertium, dogmaticum, de sola salvifica ecclesia, et neoterica ecclesiae catholicitate, ex scriptura, et ratione (Posonii, 1824) - 11.164c
dam elementa redigendam Jesu Christi Religionem efficax, (ibid. §. 24- seqq.) reprobet; quia attamen oppido splendidis , plenis dolo, atque ad homines, adversus structas vafre insidias haud satis praeparatos, impellendos in fraudem peradpositis urgeri artibus , et coloribus pingi, *— fallereque hoc ipso quam plurimos, secuti Horatiana lana, Tarentino violas imitata veneno, consuevit; ideo considerandam curatius, examinandamque omni ex parte, atque ea, quam habet reipsa, facie, publico repraesentandam obtutui, putavi, nec quidquam, quod dici in obversum solet, dissimulandum. •— Qualis igituf congeries haec relpsa est ? §, 27. 1) Antisymbolica, hocque ipso, anti- christiana. Certum est, 1) antisymbolicam esse, adversam confessionum et symbolorum spiritui suapte indole, hoc- que ipso evangelico etiam spiritui inimicam. •— Quare autem hoc ipso? ideo; quia Religio Christiana, multis positivis constans partibus, atque in plenitudine seu integritate conservanda ubique et semper, (Fragm. 2.) universalis est, ad omnem sine exceptione hominum classem, indoctorum quoque ac rudium, pertinens, hocque ipso non jam philosophico illo, apto paucis, et doctis duntaxat, verum Apostolico ac populari, id est, praedicationis, et institutionis, aptae omnibus, medio, et propagari et conservari debet; •— idque indole ac spiritu divinae hujus oeco- nomiae manifeste exigente, et certo Dei consilio, testibus scripturis. (Frag. II. §. 4- seqq.) — Atqui separari a divina hac conservandae universae Religionis oeconomia formulas, compendia, confessiones, et symbola, multitudinis praesertim, maximae hominum classis, intuitu, haud posse, omnis, qui cogitat rite, debet fateri; * — idem- que constans inde ab initio usus, certus et necessitatis, et evangelici spiritus index, luculente adfirmat. — Cum igitur neotericae hujus ecclesiae spiritus fronte adversa confessionum ac Symbolorum spiritui oppositus sit, sequitur,
