Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
....... 7i ....... maticis commentariis. Prior modus tantum systematic legum codici, qualem Austria, Borussia, Gallia habent, convenit. Ubi vero, sicut apud Anglos, et in patria nostra, codices ejusmodi non exstant, rite ordinati commentarii viam ad ipsos fontes praemunire debent. 2. Interest vero non dogmata solum, i. e. principia, juris nosse, sed etiam historiae, philosophiaeque facem admovere oportet. Quae tres juris prudentiae partes tum conjunctim , tum etiam, et melius, separatim pertractari possunt. 3. Ad juris prudentiam hungaricam plenius excolendam plurimum subsidii adfert a. Historia, in primis domestica, una cum scientiis historiae subsidiariis, inter quas Diplomatica praecipue commendari debet; b. Jura peregrina, Jus Canonicum, Jus civile Romanum, Germanorum, Gallorumque vetustae institutiones, ex quibus multa juris nostri capita profluxisse constat; c. denique philologicae, philosophicaeque cognitiones, illae ad rectam legum interpretationem, hae simul ad explendos constituti juris hiatus necessariae omnino sunt.
