Frank Ignác: Specimen elaborandarum institutionum juris civilis Hungarici continens: I. Praecognita II. Doctrinam de donatione regia (Cassoviae, 1823) - 10.393
• «MOt cessiíse. Illum defendere, tueri, jt/ű quoque for Lia facta gloriae ejus assignare praecipuum sacramentum est. Principes pro victoria pugnant; comites pro principe* Exigunt enim principis sui liber alitate illum bellatorem equum , illam cruentam victricemque frameam. Nam epulae , et quamquam incomti, largi tamen, ad, paratus pro stipendio cedunt; materia munificentiae per ber bella et raptus”. — Hactenus Tacitus de Germanis. Cui vero hic in memoriam non redeant Ma- gyarorum, Asiam deserentium, septem duces; illorum fortunam sequentium fides; celebratae in Pannonia epulae; agitatae per omnem Europam praedae? Nempe universim verum est, populos in eodem gradu culturae positos parum inter se discrepare. In illis autem Taciti verbis Germani scriptores prima vestigia nexus feudális vident. Fidei praemium nondum agri, quorum nondum pretium erat, sed bellator equus, vel framea, praedaeque pars fuit. Verum ubi nationes germanicae Romanorum provincias in ditionem suam redegerunt; vacuas cultoribus terras inter se partiebantur; quin tamen veteres incolas, cladibus superstites, sedibus suis deturbarent; solo omnibus suppetente. Inde apud Francos terrae salicae, apud Vandalos et Burgundios sortes vandalicae ac burgundié a e. Plenum autem dominium cuncti accipiebant; et immunes a tributis, parta tantum armis tueri obligabantur. Nec aliud inter Magyaros, subjugata Pannonia, evenisse putandum est. Et hoc spectabat etiam illa conditio electionis Arpadianae: quidquid boni per labores eorum acquirere possent, nemo eorum expers jieret”. Quod etiamsi testatum non redderet Historia, 123 ...............
