Jordánszky Elek: De haeresi abjuranda quid statuat Ecclesia Catholica? …Programma disquiritur et Sacrae Synodo Nationali Posoniensi humili devotione substernitur (Strigonia, 1822) - 10.229

reticuin nonnisi professionem Symboli Apostolorum exhibet, adclitque renunciationem, qua poenitentes ejus generis renunciant Satanae, renunciant sectae pravitatis haereticae, ac demum declarant solemniter, se in unitate Sanctae fidei catholicae esse ac vivere velle. In Ordine autem excommunicatos absolvendi , habetur: Pontifex primum excipit ab eo juramentum, de parendo mandatis Ecclesiae. Forma talis juramenti nulla exponitur ; adeoque relinquitur ab Episcopo proponenda pro circumstantiarum ratione. Consonat Pontificali etiam Rituale Romanum de Sacramento Poenitentiae.

Causa , cur nec Pontificale, nec Rituale Romanum peculiarem praescribant abjurandae haereseos formulam, ea certe est, quia in libris his liturgicis generalia praecipiuntur agenda, de reconciliandis qualibuscunque haereticis aut excommunicatis. Adeoque non convenit omnibus una haec forma : ex. gr. Graecis , a schismate redeuntibus , quaedam insuper adduntur ex Concilio Florentino decerpta, uti praescribit Gregorius XIII. constit. 33. Anabaptistis, et Antitrinitariis similiter adduntur alii articuli. At vero dum recipiuntur in fidem revertentes ab haeresibus, per Concilium Tridentinum anathemate percussis, nequi- dem cogitari potest alia errorum abjuratio,

et