Jordánszky Elek: De haeresi abjuranda quid statuat Ecclesia Catholica? …Programma disquiritur et Sacrae Synodo Nationali Posoniensi humili devotione substernitur (Strigonia, 1822) - 10.229
201 sperum Fagnani, Berardum Van Espen , Emmanuelem Gonzalez , aliosque catholicos Juris canonici commentatores ad titulum de Haereticis. Ea , quae e Fleuri decerpsit Dr. Wald, manca sunt; consultoque praetermisit attingere adnotationem Fleurii super poenis, quas ipsi Acatholici sanxerunt in haereticos. Facere hoc loco quam opportunissime possum , id , quod jam iterum iterumque volui, monere nimirum, ut rite discernant Domini Regiomontani dogmata Fidei Catholicae a legibus disciplinae. Fides Catholica mutationem non recipit; semper enim credendum est id omne, quod Christus docuit, quod Apostoli praedicarunt, quod Ecclesia credendum proponit. Sed enim, disciplinae leges mutari possunt, imo et debent. Mutantur in dies hominum mores, mutantur rerum circumstantiae, et, quod uno tempore utile erat, postea inutile, et quandoque perniciosum evadit. Haereses inde ab Apostolorum aetate semper in Ecclesia Christi, Deo permittente, grassabantur. Eas semper notavit, vitavit, damnavit Ecclesia ; non tamen semper iisdem poenis , iis— demque modis; neque omnes eadem ratione; sed aliquando severius, aliquando circumspectius. Sapienter praecipit Benedictus XIV. in libris de Synodo Dioecesana: 55
