Mollik Tóbiás: Dissertatio de divina auctoritate deutero-canonicorum utriusque testamenti librorum ac partium (Jaurini (Győr), 1819) - 10.189
ac citra controversiam pro Canonicis habiti fuerunt ubique. Itaque Latini, siqui olim eatenus explicuissent Concilii Trid. decretum , potius pro Lu- care quam contra ipsum, debuissent mercari Graecorum Conciliorum vota. 386. Ipse Cyrillus Lucar, necdum illectus favore ac opibus Hollandorum, velut S. Scripturae partem allegavit Librum Tobiae hom. 4- pro Domin. 4- Junii,‘et Sapientiam Com. fol. 387. et Susannae historiam hom. in Prodigum. Ipse item teste Beve- regio in l^indic. Can. dono obtulit Carolo 1. Angliáé Regi codicem Mss. quem Beveregius censuit ante annos i3oo descriptum fuisse e pari antiquiore codice; et cui deut ero canonici Libri nullo discrimine cum protocanonicis inserti habebantur : prout decet ejusdem Catalogus a Beveregio editus. §. Conclusio. * • 387. E cunctis hucusque dissertis liquet, praesentis dissertationis non alium‘esse scopum, quam Apoßolicam pro Divina deuterocanonicorum Librorum ac Partium auctoritate Traditionem , ad saeculi 5. primordia usque retexere , et adversum oppositiones tueri; ut inde Tridentini Decreti aequitas pateret. Quamobrem sicut extera pro vindicanda eorundem Librorum auctoritate argumenta, ita exte- rx objectiones quoque isthic silentio praetereuntur ; tum quod utraque non miniis prolixam , quam praesens sit, poscerent dissertationem : tum quia orthodoxi S. S. interpretes et hermeneutae, singula illa de singulis Libris satis pertractant: denique quod agnita Apostolicae Traditionis firmitate nemo Christianae mentis ambigere possit, omnes obversantes difficultates et antilogias esse mere apparentes, futiles, inanes. Praecipuas nihilominus singulis deuteroc. Libris ob- motas difficultates diluemus a n. 397. — 388. Ex eadem Apostolica Traditione simul discimus, Tobix ac Judithx personas nequaquam esse fictitias, sed reales, neque contentas in eorum Libris narrationes esse romanenses morales fictio
