Hittudományi Folyóirat 15. (1904)

Dr. Huszár Elemér: A visitatio liminum

A VISITATIO LIMINUM. 713

II. Szelepcsényi prímás relatiója 1676-ból.

Relatio Ecclesiae Metropolitanae Strigoniensis ab einsmoäi Archiepiscopo facta.

Multis saeculis regnum isthoc in florentissimo Statu viguisse, Eegnantisque fortunae apicem tenuisse, nemo est qui inscius fuerit, Beatissime Pater; Illustrabatur illuc variarum splendore virtutum, ac praesertim Christianae pietatis, fidei catholicae, divini honoris zelo, specialique in Sacram Sedem Apostolicam cultu, et Sanctimoniae fama, adeo ut in toto christiano orbe, Regnum Apostolicum et Marianum audiverit. Verum prouti Regnorum ac Imperiorum mirae sunt vicissitudines, harum portio Hungáriám quoque non praeteriit; Quippe ad Mohacsiensem Campum nostra- tibus fortius quam felicius cum Solimano Turearum Tyranno confligentibus, ibique deplorando Christianae Reipublicae damno, exercitibus integris, ad haec Strigoniensi et Colocensi Archipraesulibus, Proceribus, Nobilibus, aliisque viris ad virtu- tem imprimis et pietatem formatis, quin et ipso Ludovico Secundo, tunc Regni Gubernacula moderante, insperata clade, sublatis, simul et nostra expiravit felicitas. Post subsecuta statim calamitosiora tempora, lacrimosiorque caedes ani- marum spectata; Nam Ferdinando primo eius nominis Rege, atque Ioanne Sapolaeo, sceptrum Regni huius ambientibus, et solio regali, imponi satagentibus, ob idque, ad arma ruen- tibus, infudit se has in partes quoque, cum numerosis militum extraneorum agminibus, monstrosa multitudo gen- tium, variarum haeresum, labe contaminatarum. Et quod rei caput est, dum hae turbae agitassent Hungáriám, residui postmodum superstites Regni Proceres, in luxum dissolu- tionem praedamque Ecclesiasticarum opum praecipites, Lutheri, Calvinique facili, sed proh! nimirum miserando lapsu, perniciossissima dogmata susceperunt; Pseudo Evan- gelii precones induxerunt, et sacrilegas eorumdem com- muniones admiserunt. Neque melius postea res acta est. Enimvero armis non modo contra Sapolaeum, sed et Suli- manum longo temporis spatio durantibus, augendi publici Hittudományi Folyóirat. 1904. 46