Folia Theologica 18. (2007)
Csaba Szilágyi: Stephanus Arator: Historia Anni Jubilaei 1575 (Presentazione delle fonti)
238 CS. SZILAGYI Petri videntes se in dies maioribus laboribus obrui, quorundam valetudinem periclitari caepisse".43 In maggio vi fu un grande avvenimento, ovvero la festa d'incoronazione di Papa Gregorio XIII: "Decima tertia Maii. Multae novae sodalitates cum flagellantibus more consueto ecclesias visitaverunt. Heri et hodie post occasum celebratus est triumphus in memoriam coronationis Gregorii 13. pontificis maximi, hoc ordine: Primo e palatio Pontificis, contra castrum S. Angeli descenderunt milites sclopetarii, sclopetarios secuti sunt hastati. Hos lanceati, lanceatos iterum hastati, qui ubi usque ad castrum pervenissent, bombardas suas contra illud exonerarent, simulantes quasi vellent expugnare castro vicissim contra illos maiora tormenta exploserunt, quae sonitu horribili totam impleverunt urbem. Deinde milites cum sonitu tympanorum et fistularum per aliam proximam plateam, eodem ordine, quo venerunt, in palatium pontificis reversi sunt. Erant super tecta castri lampades innumerae chartis circumtectae, et miro artificio per modum coronae et trianguli, quae recedentibus militibus incendebantur, et similitudinem ardentis arcis pulcherrime repraesentabant. Similes lampades erant collocatae et succensae per fenestras cardinalium, super tecta palatiorum, super domus plurimas civium, et super omnes porticus palatii pontificis, ita ut tota urbs nocte illa ob multitudinem lampadum ardere videretur. Erant praeterea in tribus angulis turris S. Petri tres ingentes faces ardentes collocatae, totam Romam tamquam sidera micantia illuminantes. Erant postremo ante palatium pontificis, ante aedes cardinalium, et passim in plateis multa vasa aridis sarmentis plena, quae incensa al- tissimas emittebant flammas, et urbis incendium repraesentare videbantur. His succedebant sidera ignita, quae fiebant ex arundinibus pulvere bombardario impletis, et cum strepitu maximo per aerem volitabant talia sidera sine numero, nunc sursum, nunc deorsum, e palatio pontificis, et castro S. Angeli emittebantur nocte illa. Similes saggittae volantes emittebantur ex aliis quoque editioribus urbis locis. Sed illud erat omnium iucundissimum, quod e castro S. Angeli erumpebant bis terve, tamquam ex inferno, infinitae simul flammae et scintillae, veluti radii ascendentes, et paulatim deficien43 HAJ 149. f.
