Folia Theologica 1. (1990)
László Card. Paskai: Lectori salutem
LECTORI SALUTEM! O aerae Theologiae scientia, ut docet Concilium Vaticanum II, „in verbo Dei scripto, una cum Sacra Traditione, tamquam in perenni fundamento innititur, in eoque ipsa firmissime roboratur semperque iuvenescit omnem veritatem in mysterio Christi conditam sub lumine fidei perscrutando” (Dei Verbum 24). Ad vocationem autem Facultatis Theologiae attinet hanc sacram disciplinam methodo scientifica colere, doctrinam catholicam systematice enucleare, solutiones problematum humanorum sub luce Revelationis investigare. Haec officia adimplendo Facultas Theologiae, pro sua parte, in ministerio ipsius Ecclesiae participat. J-jX inscrutabili voluntate Domini Ecclesiae et historiae Facultas Theologiae Romano-Catholicae a Petro Pázmány nuncupata, in civitate Budapest sita, munus suum — non sine notabilibus sacrificiis docentium et studentium — etiam hucusque exercere potuit. Nunc autem huic Facultati ecclesiasticae novae possibilitates ac libertates aperiuntur. Sic corpus professorum in vita theologica universali magis participandi gratia fundationem novorum periodicorum sibi proposuit, in quibus articuli scientifici tam Hungarorum quam aliorum disciplinas stricte theologicas, philosophiam Christianam, historiam ecclesiasticam, ius canonicum, id est materias in Facultate Theologiae traditas respicientes in maioribus linguis modernis litteraturae theologicae publici iuris fiunt. Recensiones in fine singulorum fasciculorum mutuas relationes theologorum variarum nationum fovere conantur. Benefactoribus, qui editionem huius primi voluminis suis subsidiis possibilem reddiderunt, gratias agens novas ephemerides FOLIA THEOLOGICA omnibus Vobis magno cum gaudio commendo. László Card. PASKAI Axchiepiscopus Strigoniensis Primas Hungáriáé huius almae Facultatis olim professor
